Dates : మనకు అందుబాటులో ఉండే డ్రై ఫ్రూట్స్ లో ఖర్జూరాలు ఒకటి. ఇవి ఎంతో తియ్యగా ఉంటాయి. అందరూ వీటిని తినేందుకు ఎంతో ఆసక్తిని చూపిస్తుంటారు. ఖర్జూరాల్లో అనేక పోషకాలు ఉంటాయి. వీటిని తినడం వల్ల మనం ఎన్నో ప్రయోజనాలను పొందవచ్చు. ఈ క్రమంలోనే రోజూ ఉదయాన్నే బ్రేక్‌ ఫాస్ట్‌లో 6 ఖర్జూరాలను తింటే ఏం జరుగుతుందో ఇప్పుడు తెలుసుకుందాం.
రోజంతా మనం చేసేందుకు ఉత్సాహంగా యాక్టివ్‌గా ఉండాలి. కానీ కొందరు ఉదయం నిద్ర లేస్తూనే శక్తి లేనట్లు నిస్సత్తువగా ఫీలవుతారు. అలాంటి వారు ఉదయాన్నే ఖర్జూరాలను తినడం వల్ల శరీరానికి శక్తి బాగా లభిస్తుంది. దీంతో ఉత్సాహంగా, యాక్టివ్‌గా మారుతారు. చురుగ్గా పనిచేస్తారు. రోజంతా పనిచేసినా అలసట అనేది ఉండదు. శరీరానికి శక్తిని అందించడంలో ఖర్జూరాలు ఎంతగానో పనిచేస్తాయి.
ఖర్జూరాలను ఉదయాన్నే తినడం వల్ల మన శరీరానికి కావల్సిన ముఖ్యమైన పోషకాలు ఉదయాన్నే లభిస్తాయి. అలాగే జీర్ణ వ్యవస్థ పనితీరు మెరుగు పడుతుంది. తిన్న ఆహారం సరిగ్గా జీర్ణమవుతుంది. గ్యాస్‌, మలబద్దకం ఉండవు. రక్తం బాగా తయారవుతుంది. రక్త హీనత నుంచి బయట పడవచ్చు.
ఖర్జూరాలను తినడం వల్ల చర్మం కాంతివంతంగా మారుతుంది. చర్మంపై ఉండే మొటిమలు, మచ్చలు పోతాయి. జుట్టు కూడా దృఢంగా, ఆరోగ్యంగా ఉంటుంది. శిరోజాలు ఒత్తుగా పెరుగుతాయి. అలాగే మెదడు యాక్టివ్‌గా మారుతుంది. జ్ఞాపకశక్తి, ఏకాగ్రత పెరుగుతుంది. చిన్నారులు అయితే చదువుల్లో బాగా రాణిస్తారు. కనుక ఖర్జూరాలను ఉదయం తింటే అనేక లాభాలను పొందవచ్చు.
