మ‌ట‌న్‌ను ఇంతవరకు కొల్లెస్టరాల్ పెంచుతుందనే అందరూ భావించేవారు. అయితే తాజాగా చేసిన ఒక అధ్యయనంలో శరీరంలోని చెడు కొల్లెస్టరాల్ అరికట్టాలంటే మ‌ట‌న్‌ బాగా పనిచేస్తుందని తేలింది. మ‌ట‌న్‌ను ప్రతిరోజూ తింటే…ఎల్ డిఎల్ లేదా చెడు కొల్లెస్టరాల్ తగ్గుతుందని, గుండె ఆరోగ్యంగా వుండాలంటే తినే ఆహారాలతో సమానంగా మ‌ట‌న్‌ కూడా పనిచేస్తుందని పరిశోధకులు చెపుతున్నారు.
ఈ పరిశోధన పెన్సిల్వానియా యూనివర్శిటీ రీసెర్చర్లు చేశారు. కొల్లెస్టరాల్ అధికంగా వున్న వారికి మ‌ట‌న్‌ను ప్రతిరోజూ తినిపించి పరిశోధించి అది వారిలోని చెడు కొల్లెస్టరాల్ స్ధాయిని తగ్గించినట్లు కనుగొన్నారు. ఈ పరిశోధన ద్వారా పోషకాలు అధికంగా కల లీన్ మ‌ట‌న్‌ గుండెకు ఆరోగ్యం చేకూర్చే ఆహారాల జాబితాలో చేర్చడం జరిగిందని అన్నారు.
ఇప్పటివరకు వున్న మ‌ట‌న్‌ కొల్లెస్టరాల్ పెంచుతుందనే సాధారణ అభిప్రాయం తొలగిపోయిందని రీసెర్చికి ఆధ్వర్యం వహించిన క్రిస్ ఎధిరాన్ తెలిపినట్లు అమెరికన్ జర్నల్ ఆఫ్ క్లినికల్ న్యూట్రిషన్ ప్రచురించింది. అయితే దీన్ని ఎంత మోతాదులో తినాల‌నే విష‌యంపై మాత్రం క్లారిటీ ఇవ్వ‌లేదు.
