వాస్తు అంటే దాదాపు అందరూ విశ్వసిస్తారు. శాస్త్రీయంగా గాలి, వెలుతురు ప్రసరిస్తూ ఆరోగ్యకరమైన వాతావరణాన్ని అందించే నియమాలే వాస్తు. అయితే చాలామందికి వాస్తు పరంగా పలు సందేహాలు ఉంటాయి. వీటిలో ప్రధానంగా సింహద్వారం విషయం పరిశీలిద్దాం. పేర్లను బట్టి సింహద్వార నిర్ణయం చేస్తారు. అయితే ఏ పేరువారికి ఎటు దిక్కుగా సింహద్వారాన్ని పెట్టాలో సరళంగా తెలుసుకుందాం…
పేరులోని మొదటి అక్షరం ప్ర‌కారం సింహ ద్వారం ఏ దిక్కున ఉండాలో ఇప్పుడు తెలుసుకుందాం. అ నుంచి ఆః వరకు పేరులో మొదటి అక్షరం గ‌నుక ఉంటే అలాంటి వారికి ఉత్తరం, పడమర, దక్షిణ ద్వారాలు క‌ల‌సి వ‌స్తాయి. అలాగే క, ఖ, గ, ఙ పేరులో మొదటి అక్ష‌రాలు అయితే వీరికి దక్షిణం, పడమర సింహ ద్వారాలు అదృష్టాన్ని తెచ్చి పెడ‌తాయి. చ, ఛ, జ, ఝ, ఞ పేరులో మొదటి అక్ష‌రాలు అయితే వీరికి తూర్పు, పడమర, ఉత్తర సింహ ద్వారాలు మేలు చేస్తాయి.
ట, ఠ, డ, ఢ. ణ అక్ష‌రాలు పేరులో మొద‌ట ఉంటే వీరు తూర్పు, ఉత్తరం, పడమర సింహ ద్వారాలు ఉన్న ఇళ్ల‌లో నివ‌సించాలి. త,థ,ద, ధ, న అక్ష‌రాలు పేరులో మొద‌ట‌గా ఉంటే వీరికి తూర్పు, ఉత్తరం సింహ ద్వారాలు క‌ల‌సి వ‌స్తాయి. అలాగే ప, ఫ, బ, భ, మ అనే అక్ష‌రాలు పేరులో మొద‌ట‌గా వ‌స్తే వీరికి తూర్పు, ఉత్తరం సింహ ద్వారాలు క‌ల‌సి వ‌స్తాయి. అలాగే య, ర, ల, వ పేరులో మొదటి అక్ష‌రాలు ఉన్న‌వారు తూర్పు, దక్షిణం, పడమర సింహ ద్వారాలు ఉన్న ఇళ్ల‌లో నివ‌సించాలి. శ, ష, స, హ అక్ష‌రాలు పేరులో మొద‌ట‌గా ఉంటే వీరు దక్షిణం, తూర్పు దిశ‌ల్లో సింహ ద్వారం ఉన్న ఇండ్ల‌లో నివ‌సించాలి.
