Anitha Chowdary : కొంతమంది హీరోయిన్ లు ఎంతో అందంగా ఉన్నా, టాలెంట్ ఉన్నా, అదృష్టం లేక స్టార్డమ్ ను సంపాదించలేక పోతున్న వారిలో అనితా చౌదరి కూడా ఒకరు. అటు బుల్లితెర, ఇటు వెండితెరపై ఎన్నో సినిమాలలో నటించినా, తనకంటూ ఒక గుర్తింపు కూడా తెచ్చుకోలేకపోయింది. చిన్న వయసులోనే 16 సంవత్సరాలకే తన కెరీర్ ని మొదలు పెట్టిన అనితా చౌదరి, ఈటీవీ,జెమినీ టీవీ, జీ తెలుగు వంటి ప్రముఖ ఛానల్స్ లో యాంకర్ గా నటించింది. ఇక ఆ తర్వాత వెండితెరపై సపోర్టింగ్ రోల్స్ లో నటించింది. సంతోషం, మురారి , ఉయ్యాలా జంపాలా వంటి మరి కొన్ని సినిమాలలో నటించింది అనిత. ఇలా బుల్లితెరపై, వెండితెర పై తనకంటూ ఒక స్థానాన్ని అలాగే గుర్తింపు కూడా తెచ్చుకున్నది.
1997లో శ్రీకాంత్ హీరోగా ఈవీవీ సత్యనారాయణ దర్శకత్వంలో వచ్చిన తాళి సినిమాలో నటించే అవకాశం వ‌చ్చినా కూడా యాంక‌రింగ్ మీద మ‌క్కువ‌తో ఆ సినిమా ఛాన్స్ వ‌దులుకుంది అనితా. అనంత‌రం వెంకటేష్ హీరోగా తెరకెక్కిన రాజా సినిమా ద్వారా వెండితెరపై అడుగుపెట్టిన ఈ మె ఆ తర్వాత అనేక అనేక చిత్రాల్లో క్యారెక్టర్ ఆర్టిస్ట్ గా నటించి తనకంటూ ప్రత్యేక గుర్తింపు తెచ్చుకున్నారు. ఆ మధ్య లాక్ డౌన్ సమయంలో ఆక్వా అనే వెబ్ సిరీస్ లో కూడా నటించింది.త‌ల్లిదండ్రుల‌ది ప్రేమ వివాహం కావ‌డంతో ఐదేళ్ల వ‌య‌స్సులో కోల్‌క‌తా నుండి హైద‌రాబాద్ వ‌చ్చేసింది.
ఇక అనితా చౌద‌రికి ముగ్గురు అన్న‌య్య‌లు ఒక అక్క ఉండ‌గా, ఆమెకు త్వ‌ర‌గానే పెళ్లి చేశారు. ఇక ఇంటి బాధ్య‌ల‌ని చాన్నాళ్లు మోసింది అనితా. ఇక హీరో శ్రీకాంత్ కజిన్ అయిన కృష్ణ చైతన్యను 2005 జూన్ 18న ప్రేమ వివాహం చేసుకున్నారు అనితా. వీరికి ఒక బాబు కూడా ఉన్నాడు. ప్రస్తుతం సొంతంగా యూట్యూబ్ లో ఛానల్ మెయింటెయిన్ చేస్తున్నారు. మంచి సందేశాన్ని ఇచ్చే వీడియోలు చేస్తుంటారు. ఒక చారిటీ సంస్థ ద్వారా ఎంతో మందికి చేయూత నిస్తుంది. ఇక తనకు నచ్చితే ఎలాంటి క్యారెక్టర్ అయిన చేస్తానని తాజాగా చెప్పుకొచ్చింది.
