నాజూకు శరీరం కోరే మహిళలా? బికిని ధరించాలా? బికిని శరీరం కావాలంటే.. సన్నని కాళ్ళు, బలమైన ఛాతీ, ఆకర్షణీయమైన పిరుదులు వుండాలి. నేటి ఫ్యాషన్ యుగంలో మహిళలందరూ కోరేది ఇదే. బికిని ఆహారం తీసుకోవడమే కాదు. వేగంగా సన్నపడాలంటే కొన్ని వ్యాయామాలు కూడా చేయాలి. ఆ వ్యాయామాలేమిటో పరిశీలించండి. వర్కవుట్లు మార్చండి – మొదటగా బికిని వర్కవుట్లు చేసే వారు తరచుగా వారి వ్యాయామాలు మార్చాలి. కనీసం 4 వారాలకొకసారి వర్కవుట్లు మారుతూ వుండాలి.
కనుక మీరు చేసే వ్యాయామాలు మార్చాలంటే మీ వ్యాయామ నిపుణులను సంప్రదించండి. ఎపుడు ఏ వ్యాయామం చేయాలనేది వారికి బాగా తెలుస్తుంది. సమయాన్ని పెంచండి – కొత్తగా మొదలు పెట్టినవారు మొదట్లో 30 నిమిషాలు చేస్తూ తర్వాత ఆ సమయాన్ని 40 నుండి 45 నిమిషాలకు పెంచాలి. మధ్యాహ్నం లంచ్ తర్వాత, రాత్రి డిన్నర్ తర్వాత కూడా వ్యాయామాలు చేస్తే అధిక కేలరీలు ఖర్చవుతాయి. జాగింగ్ – ఉదయం పూట జాగింగ్ లేదా వేగంగా పరుగెత్తడం మీ దిగువ శరీరాన్ని బలిష్టం చేస్తుంది. ట్రెడ్ మిల్ కూడా అనుకూలమే.
ఇంటి పని – ఇంటి పరిశుభ్రత నిర్వహించటం, సైకిలింగ్, కుక్కను బయటకు తీసుకు వెళ్ళడం వంటివి అధిక ఒత్తిడి లేకుండా బరువు తగ్గిస్తాయి. వీటితోపాటు ఎరోబిక్ వ్యాయామాలు కూడా చేయండి. స్విమ్ సూట్ – కిక్ బాక్సింగ్, స్కిప్పింగ్ లాంటివి చేతుల కొవ్వును తగ్గిస్తాయి. ఉదయం, సాయంత్రం పుష్ అప్ లు, స్ట్రెచెస్ వంటివి చేయండి. ఇంటి పని అంతా చేసుకుంటూ కొద్దిపాటి జాగింగ్ చేస్తే క్రమేణా మీ శరీరం స్విమ్ సూట్ శరీరమైపోతుంది.
