ఖర్జూరం లో చాలా విలువైన ఔషధ పదార్థాలు ఉన్నాయి అని మనకి తెలుసు. పైగా ఇది ఎంతో సులువుగా డైజెస్ట్ అయిపోతుంది. దీని వల్ల చాలా బెనిఫిట్స్ మనకి లభిస్తాయి. మరి అవేమిటో ఇప్పుడు చూద్దాం. ఖర్జూరం లో విటమిన్ ఏ అధికంగా ఉంటుంది. దీనితో పాటు యాంటీ ఆక్సిడెంట్స్ కూడా పుష్కలంగా ఉంటాయి. దీనిలో ఉండే విటమిన్ ఏ రేచీకటికి వ్యతిరేకంగా పోరాడుతుంది.
అలానే గర్భిణీలకు ఫోలిక్ యాసిడ్ చాలా అవసరం. ఇందులో అది చాలా ఎక్కువగా లభిస్తుంది కనుక గర్భిణీలు దీనిని తీసుకుంటే చాలా మంచిది. దంతక్షయం తో బాధపడే వాళ్ళు ఖర్జూరం తినడం వల్ల దంత క్షయాన్ని మరియు డెంటల్ ప్లాక్ నిరోధించవచ్చు. మలబద్దకం తో బాధ పడే వాళ్లు కూడా దీనిని తీసుకోవచ్చు. ఖర్జూరం నిజంగా దివ్యౌషధంలా పని చేస్తుంది.
మలబద్ధకంతో బాధపడేవాళ్ళు కర్జూరం పండ్లును రాత్రంతా నానబెట్టి ఆ నీటిని పరగడుపున తాగితే ఆ సమస్య నుండి బయట పడవచ్చు. దీనిలో ప్రోటీన్స్ ఫైబర్ మరియు అవసరమైన పోషకాలు అధికంగా ఉంటాయి. అంతే కాదండి ఖర్జూరం గుండె కండరాలు సమర్థవంతంగా పని చేయడానికి ఉపయోగ పడుతుంది. రక్త పోటును నివారించే సామర్థ్యం కూడా దీనిలో ఉంది. పైగా తియ్యగా ఉంటాయి కాబట్టి పిల్లల నుంచి పెద్దల వరకు సులువుగా తినొచ్చు.
