Meals : ఆరోగ్య‌క‌ర‌మైన శ‌రీరం కోసం మ‌నం అనేక నియ‌మాల‌ను పాటించాల్సి ఉంటుంది. ఈ నియ‌మాల‌ను పాటించ‌డం వ‌ల్ల మ‌న శరీర ఆరోగ్యం మెరుగుప‌డుతుంది. అనారోగ్య సమస్యలు మ‌న ద‌రి చేర‌కుండా ఉంటాయి. మ‌నం పాటించాల్సిన ఆరోగ్య‌క‌ర‌మైన నియ‌మాల్లో రాత్రి భోజ‌నం త్వ‌ర‌గా చేయ‌డం కూడా ఒక‌టి. సాయంత్రం స‌మ‌యంలో భోజ‌నం త్వ‌ర‌గా చేయ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంద‌ని ఎంతో మంది నిపుణులు చెబుతున్నారు. మ‌నం నిద్రించే స‌రికి మ‌నం తిన్న ఆహారం పూర్తిగా జీర్ణం అవ్వాలి. ఇలా ఆహారం త్వ‌ర‌గా జీర్ణ‌మ‌య్యేలా మ‌నం రాత్రి భోజ‌నాన్ని త్వ‌ర‌గా తీసుకోవాలి. రాత్రి భోజ‌నం త్వ‌ర‌గా తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంద‌ని నిపుణులు చెబుతున్నారు. నేటి త‌రుణంలో చాలా మంది రాత్రి భోజ‌నాన్ని ఆల‌ప్యంగా చేస్తున్నార‌ని దీంతో అనేక అనారోగ్య సమస్యలు చుట్టుముడుతున్నాయ‌ని వారు చెబుతున్నారు.
రాత్రి త్వ‌ర‌గా భోజ‌నం చేయ‌డం వ‌ల్ల జీర్ణ‌క్రియ మెరుగుప‌డుతుంది. క‌డుపులో గ్యాస్, అజీర్తి, యాసిడ్ రిప్లెక్ష‌న్ వంటి సమస్యలు రాకుండా ఉంటాయి. అలాగే సాయంత్రం భోజ‌నాన్ని త్వ‌ర‌గా చేయ‌డం వ‌ల్ల నిద్ర త్వ‌ర‌గా ప‌డుతుంది. నిద్ర‌లేమి స‌మ‌స్య రాకుండా ఉంటుంది. అంతేకాకుండా బ‌రువు త‌గ్గాల‌నుకునే వారు ముఖ్యంగా సాయంత్రం భోజ‌నాన్ని త్వ‌ర‌గా చేయాలి. దీంతో శరీరంలో అద‌నంగా కొవ్వు నిల్వ‌లు పేరుకుపోకుండా ఉంటాయి. రాత్రి భోజ‌నాన్ని త్వ‌ర‌గా చేయ‌డం వ‌ల్ల శరీరంలో అవ‌య‌వాల‌కు త‌గినంత విశ్రాంతి ల‌భిస్తుంది. దీంతో మ‌నం మ‌రుస‌టి రోజూ ఉత్సాహంగా, శ‌క్తివంతంగా పని చేసుకోవ‌చ్చు. అలాగే మ‌న శరీరంలో కూడా య‌వ్వ‌నంగా, ఆరోగ్యంగా ఉంటుంది.
రాత్రి భోజ‌నాన్ని త్వ‌ర‌గా చేయ‌డం వ‌ల్ల శరీరంలో డిటాక్సిఫికేష‌న్ ప్రక్రియ వేగంగా జ‌రుగుతుంది. శరీరంలో మ‌లినాలు, విష ప‌దార్థాలు తొల‌గిపోతాయి. శరీరంలో జీవ‌క్రియల రేటు పెరుగుతుంది. శరీర ఆరోగ్యం కూడా మెరుగుప‌డుతుంది. సాయంత్రం 6 నుండి 7 గంట‌ల లోపే మ‌నం భోజ‌నాన్ని తీసుకోవాల‌ని మ‌సాలాలు, నూనెలు లేకుండా చాలా సుల‌భంగా జీర్ణ‌మ‌య్యే ఆహారాన్ని మాత్ర‌మే తీసుకోవాల‌ని అప్పుడే ఈ ఆరోగ్య ప్ర‌యోజ‌నాల‌న్నింటిని మ‌నం సొంతం చేసుకోవ‌చ్చ‌ని నిపుణులు చెబుతున్నారు. ఇప్ప‌టికైనా రాత్రి ఆల‌స్యంగా భోజ‌నం చేసే వారు ఈ అల‌వాట్ల‌ను మార్చుకోవాల‌ని వారు హెచ్చ‌రిస్తున్నారు.
