Anjeer : అంజీర్ పండ్లు మ‌న‌కు డ్రై ఫ్రూట్స్ రూపంలో, పండ్ల రూపంలో.. రెండు ర‌కాలుగా ల‌భిస్తాయి. అయితే పండ్లుగా క‌న్నా డ్రై ఫ్రూట్స్ గానే ఇవి మ‌న‌కు ఎక్కువ‌గా అందుబాటులో ఉంటాయి. ఈ క్ర‌మంలోనే ఈ పండ్ల‌ను రోజూ రాత్రి నిద్రించే ముందు తిన‌డం వ‌ల్ల అనేక ప్ర‌యోజ‌నాల‌ను పొంద‌వ‌చ్చు. అవేమిటో ఇప్పుడు తెలుసుకుందాం.
1. అంజీర్ పండ్ల‌లో కాల్షియం అధికంగా ఉంటుంది. ఇది ఎముక‌ల‌ను దృఢంగా మారుస్తుంది. విరిగిన ఎముక‌లు అతుక్కుంటున్న‌వారు ఈ పండ్ల‌ను తింటే ఎంతో మేలు జ‌రుగుతుంది. ఈ పండ్ల‌లో ఐర‌న్ అధికంగా ఉంటుంది. ఇది మన శ‌రీరంలో రక్తం బాగా త‌యార‌య్యేలా చేస్తుంది. దీంతో ర‌క్త‌హీన‌త నుంచి బ‌య‌ట ప‌డ‌వ‌చ్చు.
2. అంజీర్ పండ్ల‌లో ఫైబ‌ర్ అధికంగా ఉంటుంది. క‌నుక మ‌ల‌బ‌ద్ద‌కం, అజీర్ణం, గ్యాస్ స‌మ‌స్య‌ల నుంచి ఉప‌శ‌మనం ల‌భిస్తుంది.
3. ఆస్త‌మా ఉన్న‌వారు అంజీర్ పండ్ల‌ను తింటే ఆ స‌మ‌స్య నుంచి బ‌య‌ట ప‌డ‌వ‌చ్చు. శ్వాస స‌రిగ్గా ఆడుతుంది.
4. అధిక బ‌రువు స‌మ‌స్య ఉన్న‌వారు ఈ పండ్ల‌ను రోజూ తింటుంటే బ‌రువు త‌గ్గుతారు. శ‌రీరంలోని కొవ్వు క‌రుగుతుంది.
5. అంజీర్ పండ్ల‌లో పొటాషియం, ఇత‌ర మిన‌ర‌ల్స్ అధికంగా ఉంటాయి. ఇవి శ‌రీర రోగ నిరోధ‌క శ‌క్తిని పెంచుతాయి. క‌నుక వ్యాధులు రాకుండా చూసుకోవ‌చ్చు. ఈ పండ్ల‌ను తిన‌డం వ‌ల్ల పురుషుల్లో వీర్యం అధికంగా ఉత్ప‌త్తి అవుతుంది. శృంగార సామ‌ర్థ్యం పెరుగుతుంది. పురుషుల్లో ఉండే స‌మ‌స్య‌లు త‌గ్గుతాయి. దీంతో సంతాన లోపం స‌మ‌స్య నుంచి బ‌య‌ట ప‌డ‌వ‌చ్చు.
అంజీర్ పండ్ల‌ను రాత్రి పూట నీటిలో 3-4 నాన‌బెట్టి మ‌రుస‌టి రోజు ఉద‌యం ప‌ర‌గ‌డుపునే తిన‌వ‌చ్చు. లేదా రాత్రి పూట 3-4 అంజీర్ పండ్ల‌ను నేరుగా తిని ఒక గ్లాస్ గోరు వెచ్చ‌ని పాల‌ను తాగ‌వ‌చ్చు. దీంతో పైన తెలిపిన ప్ర‌యోజ‌నాలు క‌లుగుతాయి.
