Belly Fat : మ‌న‌లో చాలా మంది స్థూల‌కాయం, అధిక బ‌రువు, పొట్ట చుట్టూ కొవ్వు పేరుకుపోవ‌డం వంటి స‌మ‌స్య‌ల‌తో బాధ‌ప‌డుతూ ఉంటారు. నేటి తరుణంలో మ‌న‌లో చాలా మంది ఈ స‌మ‌స్య‌ను ఎదుర్కొంటున్నారు. చిన్నా పెద్దా అనే తేడా లేకుండా అంద‌రూ ఈ స‌మ‌స్య బారిన ప‌డుతున్నారు. ఆహార‌పు అల‌వాట్లు స‌రిగ్గా లేక‌పోవ‌డం, శ‌రీరానికి త‌గినంత వ్యాయామం లేక‌పోవ‌డం, ఒత్తిడి, జంక్ ఫుడ్ ను, నూనెలో వేయించిన ప‌దార్థాల‌ను ఎక్కువ‌గా తీసుకోవ‌డం వంటి వివిధ కార‌ణాల చేత అధిక బ‌రువు, పొట్ట చుట్టూ కొవ్వు పేరుకుపోవ‌డం వంటి స‌మ‌స్య‌ల బారిన ప‌డుతున్నారు. చాలా మంది ఈ స‌మ‌స్య నుండి బ‌య‌టప‌డ‌డానికి అనేక ర‌కాల ప‌ద్ద‌తుల‌ను పాటిస్తూ ఉంటారు.
ఎటువంటి ఖ‌ర్చూ లేకుండా కేవ‌లం మ‌న ఇంట్లో ఉండే ప‌దార్థాల‌తో ఒక పానీయాన్ని త‌యారు చేసుకుని వాడడం వ‌ల్ల మ‌నం చాలా సుల‌భంగా అధిక బ‌రువు స‌మ‌స్య నుండి బ‌య‌ట‌ప‌డ‌వ‌చ్చ‌ని నిపుణులు చెబుతున్నారు. అలాగే ఈ పానీయాన్ని తాగ‌డం వ‌ల్ల మ‌నం ఎటువంటి దుష్ప్ర‌భావాల బారిన కూడా ప‌డ‌కుండా ఉంటామని వారు తెలియ‌జేస్తున్నారు. బ‌రువును త‌గ్గించే ఈ పానీయాన్ని ఎలా త‌యారు చేసుకోవాలి.. అలాగే ఈ పానీయాన్ని ఎలా వాడాలి.. అన్న విష‌యాల‌ను ఇప్పుడు తెలుసుకుందాం. ఈ పానీయాన్ని త‌యారు చేసుకోవ‌డానికి గానూ మ‌నం జీల‌క‌ర్ర‌ను, సోంపు గింజ‌ల‌ను, వామును ఉప‌యోగించాల్సి ఉంటుంది. ముందుగా ఒక జార్ లో ఒక టీ స్పూన్ వామును, ఒక టీ స్పూన్ సోంపు గింజ‌ల‌ను, ఒక టీ స్పూన్ జీల‌క‌ర్ర‌ను తీసుకోవాలి. త‌రువాత వీటిని మెత్త‌ని పొడిలా చేసుకోవాలి.
ఇప్పుడు ఒక గిన్నెలో ఒక‌టిన్న‌ర క‌ప్పు మోతాదులో నీటిని తీసుకోవాలి. త‌రువాత ఇందులో ముందుగా త‌యారు చేసుకున్న పొడిని ఒక టీ స్పూన్ మోతాదులో వేసుకోవాలి. ఇప్పుడు ఈ నీటిని చిన్న మంట‌పై 5 నిమిషాల పాటు మ‌రిగించాలి. ఇలా మ‌రిగించిన త‌రువాత ఈ పానీయాన్ని వ‌డ‌క‌ట్టి ఒక గ్లాస్ లోకి తీసుకుని గోరు వెచ్చ‌గా అయ్యే వ‌ర‌కు ఉంచాలి. ఇలా త‌యారు చేసుకున్న పానీయాన్ని రోజూ ఉద‌యం ప‌ర‌గ‌డుపున తాగాలి. అలాగే ఈ పానీయాన్ని తాగిన గంట వ‌ర‌కు ఎటువంటి ఆహారాన్ని తీసుకోకూడ‌దు. ఈ పానీయం త‌యారీలో ఉప‌యోగించిన వాము, సోంపు, జీల‌క‌ర్ర మ‌న శ‌రీరంలో జీవ‌క్రియ‌ల రేటును పెంచుతాయి. అలాగే మ‌నం తీసుకునే ఆహారం స‌రిగ్గా జీర్ణ‌మ‌య్యేలా చేసి శ‌రీరంలో వ్య‌ర్థాలు పేరుకుపోకుండా చేస్తాయి. శ‌రీరంలో పేరుకుపోయిన కొవ్వును, కొలెస్ట్రాల్ ను క‌రిగించ‌డంలో స‌హాయ‌ప‌డ‌తాయి.
అంతేకాకుండా ఈ పానీయాన్ని తీసుకోవ‌డం వ‌ల్ల గ్యాస్, మ‌ల‌బ‌ద్ద‌కం, అజీర్తి వంటి స‌మ‌స్య‌లు కూడా త‌గ్గుతాయి. అధిక బ‌రువు, పొట్ట చుట్టూ పేరుకుపోయిన కొవ్వు వంటి స‌మ‌స్య‌ల‌ను తొల‌గించ‌డంలో ఈ పానీయం అద్భుతంగా ప‌ని చేస్తుంద‌ని నిపుణులు చెబుతున్నారు. ఈ పొడిని ఒకేసారి ఎక్కువ మొత్తంలో త‌యారు చేసుకుని నెల రోజుల పాటు క్ర‌మం త‌ప్ప‌కుండా తీసుకోవ‌డం వ‌ల్ల మ‌నం మంచి ఫ‌లితాల‌ను పొంద‌వ‌చ్చ‌ని వారు తెలియ‌జేస్తున్నారు.
