Aloo Bonda : ఆలూ బోండా.. బంగాళాదుంప‌ల‌తో చేసే ఈబోండాలు చాలా రుచిగా ఉంటాయి. పైన క్రిస్పీగా లోప‌ల మెత్త‌గా తిన్నా కొద్ది తినాల‌నిపించేంత రుచిగా ఉంటాయి. ఇవి మ‌న‌కు ఎక్కువగా హోట‌ల్స్ లో, రోడ్ల ప‌క్క‌న బండ్ల మీద ల‌భిస్తాయి. చాలా మంది వీటిని ఇష్టంగా తింటారు. ఈ ఆలూ బోండాల‌ను కూడా మ‌నం కూడా చాలా సుల‌భంగా త‌యారు చేసుకోవచ్చు. వీటిని త‌యారు చేసుకోవ‌డం చాలా సుల‌భం. వేడి వేడిగా స్నాక్స్ తినాల‌నిపించిన‌ప్పుడు వీటిని త‌యారు చేసి తీసుకోవ‌చ్చు. ఎంతో రుచిగా ఉండే ఈ ఆలూ బోండాల‌ను ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
ఆలూ బోండా త‌యారీకి కావల్సిన ప‌దార్థాలు..
వంట‌సోడా – పావు టీ స్పూన్, నూనె – డీప్ ఫ్రైకు స‌రిప‌డా.
ఆలూ స్ట‌ఫింగ్ త‌యారీకి కావల్సిన ప‌దార్థాలు..
ఉడికించిన బంగాళాదుంప‌లు – 4, ప‌చ్చిమిర్చి – 3, అల్లం – అరఅంగుళం ముక్క, వెల్లుల్లి రెమ్మ‌లు -5, ధ‌నియాలు – అర టీ స్పూన్, నూనె – ఒక టేబుల్ స్పూన్, ఆవాలు – అర టీ స్పూన్, జీల‌క‌ర్ర – అర టీ స్పూన్, ఇంగువ – పావు టీ స్పూన్, త‌రిగిన ఉల్లిపాయ – 1, క‌రివేపాకు – ఒక రెమ్మ, ప‌సుపు – పావు టీ స్పూన్, కారం – పావు టీస్పూన్, ధనియాల పొడి – పావు టీ స్పూన్, ఆమ్ చూర్ పొడి – అర టీ స్పూన్, ఉప్పు – త‌గినంత, నిమ్మ‌ర‌సం – అర చెక్క, త‌రిగిన కొత్తిమీర – కొద్దిగా.
పిండి త‌యారీకి కావల్సిన ప‌దార్థాలు..
శ‌న‌గ‌పిండి – ఒక క‌ప్పు, బియ్యంపిండి – పావు క‌ప్పు, ఉప్పు – త‌గినంత, ప‌సుపు – పావు టీస్పూన్, కారం – పావు టీ స్పూన్, వాము – అర టీ స్పూన్, నీళ్లు – త‌గిన‌న్ని.
ఆలూ బోండా త‌యారీ విధానం..
ముందుగా గిన్నెలో శ‌న‌గ‌పిండి, బియ్యంపిండి వేసి క‌ల‌పాలి. త‌రువాత నీళ్లు త‌ప్ప మిగిలిన ప‌దార్థాలు వేసి క‌ల‌పాలి. త‌రువాత త‌గిన‌న్ని నీళ్లు పోసుకుంటూ ఉండ‌లు లేకుండా బ‌జ్జీ పిండిలా క‌లుపుకోవాలి. త‌రువాత దీనిపై మూత పెట్టి ప‌క్క‌కు ఉంచాలి. త‌రువాత జార్ లో ప‌చ్చిమిర్చి, అల్లం, వెల్లుల్లి, ధ‌నియాలు వేసి బ‌ర‌క‌గా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. త‌రువాత ఆవాలు,జీల‌క‌ర్ర వేసి వేయించాలి. త‌రువాత ఇంగువ, ఉల్లిపాయ ముక్క‌లు, క‌రివేపాకు వేసి వేయించాలి.త‌రువాత బంగాళాదుంప‌ల‌ను మెత్త‌గా చేసి వేసుకోవాలి. త‌రువాత మిగిలిన పదార్థాల‌న్నీ వేసి 2 నుండి 3 నిమిషాల పాటు వేయించి స్ట‌వ్ ఆఫ్ చేసుకోవాలి.
త‌రువాత ఈ మిశ్ర‌మం చ‌ల్లారిన త‌రువాత ఉండ‌లుగా చేసుకోవాలి. ఇప్పుడు ముందుగా క‌లిపిన పిండిలో వంట‌సోడా, 2 టీ స్పూన్ల వేడి నూనె వేసి క‌ల‌పాలి. త‌రువాత క‌ళాయిలో నూనె పోసి వేడి చేయాలి. నూనె మ‌ధ్యస్థంగా వేడ‌య్యాక ఆలూ ఉండ‌ల‌ను పిండిలో ముంచి నూనెలో వేసుకోవాలి. వీటిని మ‌ధ్య‌స్ధ మంట‌పై ఎర్ర‌గా అయ్యే వ‌ర‌కు వేయించి ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఆలూ బోండా త‌యార‌వుతుంది. వీటిని ట‌మాట కిచ‌ప్, గ్రీన్ చ‌ట్నీతో తింటే చాలా రుచిగా ఉంటాయి. ఈ విధంగా త‌యారు చేసిన ఆలూ బోండాల‌ను ఒక్క‌టి కూడా విడిచిపెట్ట‌కుండా అంద‌రూ ఎంతో ఇష్టంగా తింటారు.
