Rice Flour Chips : బియ్యం పిండి చిప్స్.. పేరు చూడ‌గానే మీకు అర్థంమైపోయి ఉంటుంది. పిండి వంట‌కాల త‌యారీలో ఉప‌యోగించే బియ్యం పిండితో మ‌నం ఎంతో రుచిగా, క‌ర‌క‌ర‌లాడుతూ ఉండే చిప్స్ ను కూడా త‌యారు చేసుకోవ‌చ్చు. ఈ చిప్స్ చాలా రుచిగా ఉంటాయి. స్నాక్స్ గా తిన‌డానికి ఇవి చాలా చ‌క్క‌గా ఉంటాయి. పిల్ల‌లు వీటిని ఎంతో ఇష్టంగా తింటారు. ఈ చిప్స్ ను త‌యారు చేయ‌డం కూడా చాలా సుల‌భం. చాలా త‌క్కువ స‌మ‌యంలో చాలా తేలిక‌గా ఈ చిప్స్ ను త‌యారు చేసుకోవ‌చ్చు. ఎంతో రుచిగా, క్రిస్పీగా ఉండే ఈ బియ్యం పిండి చిప్స్ ను ఎలా త‌యారు చేసుకోవాలో ఇప్పుడు తెలుసుకుందాం.
బియ్యం పిండి చిప్స్ త‌యారీకి కావ‌ల్సిన ప‌దార్థాలు..
నీళ్లు – ఒక క‌ప్పు, ఉప్పు – త‌గినంత, ప‌సుపు – పావు టీ స్పూన్, కారం – అర టీ స్పూన్, నువ్వులు – ఒక‌టిన్న‌ర టీ స్పూన్, వాము – అర టీ స్పూన్, స‌న్న‌గా త‌రిగిన క‌రివేపాకు – ఒక రెమ్మ, బియ్యంపిండి – ఒక క‌ప్పు, నూనె – డీప్ ఫ్రైకు స‌రిప‌డా.
బియ్యం పిండి చిప్స్ త‌యారీ విధానం..
ముందుగా ఒక క‌ళాయిలో నీళ్లు పోసి వేడి చేయాలి. నీళ్లు వేడ‌వుతుండ‌గానే ఉప్పు, ప‌సుపు, కారం, నువ్వులు, వాము, క‌రివేపాకు వేసి క‌ల‌పాలి. నీళ్లు మ‌రిగిన త‌రువాత మంట‌ను చిన్న‌గా చేసి బియ్యం పిండి వేసి క‌ల‌పాలి. అంతా క‌లిసేలా క‌లుపుకున్న త‌రువాత స్ట‌వ్ ఆఫ్ చేసి మూత పెట్టి పిండిని గోరు వెచ్చ‌గా అయ్యే వ‌ర‌కు అలాగే ఉంచాలి. పిండి గోరు వెచ్చ‌గా అయిన త‌రువాత చేత్తో వ‌త్తుతూ బాగా క‌ల‌పాలి. త‌రువాత ఈ పిండిని 3 లేదా 4 ఉండలుగా చేసుకోవాలి.
త‌రువాత ఒక్కో ఉండ‌ను తీసుకుంటూ పొడి పిండి చ‌ల్లుకుంటూ మందంగా చ‌పాతీలా వ‌త్తుకోవాలి. త‌రువాత క‌త్తితో మ‌న‌కు కావ‌ల్సిన ఆకారంలో చిప్స్ లాగా క‌ట్ చేసుకోవాలి. ఇలా అన్నింటిని త‌యారు చేసుకున్న త‌రువాత క‌ళాయిలో నూనె పోసి వేడి చేయాలి. నూనె వేడ‌య్యాక చిప్స్ వేసి వేయించాలి. వీటిని మ‌ధ్య‌స్థ మంట‌పై క్రిస్పీగా అయ్యే వ‌ర‌కు వేయించుకుని ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా ఉండే బియ్యం పిండి చిప్స్ త‌యార‌వుతాయి. వీటిని గాలి త‌గ‌ల‌కుండా నిల్వ చేసుకోవ‌డం వ‌ల్ల చాలా రోజుల పాటు తాజాగా ఉంటాయి. ఈ చిప్స్ ను అంద‌రూ ఎంతో ఇష్టంగా తింటారు.
