నీలి చిత్రాలు తియ్యడానికి ముఖ్య కారణం ఏంటి.. విద్యా ప్రయోజనం కోసమా లేదా వినోద కోసమా ?

విద్య ప్రయోజనం అంటూ ఏమి లేదండీ, ఫక్తు వ్యాపారమే.. అసలు వీటిని నీలి చిత్రాలు, లేదా బ్లూ ఫిలిమ్స్ అంటారు కానీ, నిజానికైతే ఇవి pornographic చిత్రాలు.. మన దేశంలో బాలీవుడ్, టాలీవుడ్, కోలీవుడ్ ఎంత సహజమో, అక్కడ(విదేశాల్లో) పోర్నోగ్రఫీ కూడా అంత సహజమే.. సహజం మాత్రమే కాదు, చట్టబద్ధం కూడా, 18 ఏళ్ళ లోపల పిల్లలకి మాత్రం నిషిద్ధం.. నైతికత లాంటి అంశాలని ప్రక్కన పెడితే, పోర్న్ చిత్రాలని చాలా ప్రొఫెషనల్ గా చిత్రీకరిస్తారు, సెట్స్ లో కూడా చాలా తక్కువ మంది స్టాఫ్ ఉంటారు, నటించే ఆడ,మగ ఇద్దరికీ ఎటువంటి సుఖ వ్యాధులు లేవని వైద్యులతో నిర్ధారించుకున్న తర్వాతే షూటింగ్ చేస్తారు.. కాకపోతే అన్నేసి గంటలు శృంగారం జరపడం మాత్రం కేవలం నటన, స్టెరాయిడ్స్ తీసుకుని, బ్రేక్స్ మధ్యన షూటింగ్ జరుగుతుంది..

అసహజమైన లైంగిక ప్రక్రియలు , గంటలు తరబడి జరిపే రతి ఇవన్నీ కేవలం నటన మాత్రమే.. మన దేశంలో మాత్రం పూర్తి స్థాయిలో పోర్నోగ్రఫీ అనేది చట్టబద్ధం కాదు, ఉల్లు వంటి అప్స్ లో ప్రసారమవుతున్న కంటెంట్ పోర్న్ కాదు, వాటిని ఎరోటికా అంటారు, ఎప్పుడైతే వీరు పూర్తిస్థాయి పోర్న్ ని చూపిస్తారో, తక్షణమే ఈ ఆప్స్ వారు శ్రీ కృష్ణ జన్మస్థానంలో ఉంటారు.. పూనమ్ పాండే లాంటి మోడల్స్ కూడా ఇంకా జైలు కి వెళ్లకుండా ఉండడానికి కారణం వారు కేవలం ఏరోటికా పరిధిలో ఉండడం మాత్రమే..

చౌక ఇంటర్నెట్ పుణ్యమా అని, ఇప్పుడు పోర్నోగ్రఫీ అరచేతిలో ఇమిడే స్మార్ట్ ఫోన్ లోకి వచ్చేసింది.. అభం శుభం తెలియని పసి పిల్లల్ని వీటి బారిన పడకుండా కాపాడుకోవడం తల్లిదండ్రులకి కత్తి మీద సామే .. కోవిడ్ లాక్ డౌన్ సమయంలో పోర్న్ ప్రభావంతో భార్యల్ని అసహజ రతి కోసం ఇబ్బంది పెట్టి , విడాకుల పాలైన పురుషుల సంఖ్య కూడా తక్కువేమి కాదు.. సోషల్ మీడియా ప్రభావంతో ఇప్పుడు పోర్న్ స్టార్స్ కి లక్షల్లో అభిమానులు పెరుగుతున్నారు. ఇది చివ‌ర‌కు ఎటు వైపు దారి తీస్తుందో చూడాలి.