Insulin Plant : ప్ర‌స్తుత కాలంలో వ‌య‌సుతో సంబంధం లేకుండా ప్ర‌తి ఒక్క‌రిని ఇబ్బంది పెడుతున్న అనారోగ్య సమ‌స్యల్లో షుగ‌ర్ ఒక‌టి. ఈ వ్యాధి బారిన పడితే జీవితాంతం ఇబ్బంది ప‌డాల్సి వ‌స్తుంది. అలాగే త‌ర‌చూ ర‌క్త ప‌రీక్ష‌లు చేయించుకుంటూ ఉండాలి. ఆహార నియ‌మాల‌ను పాటించ‌డంతో పాటు ప్ర‌తిరోజూ వ్యాయామం చేయాలి. ఎటువంటి శ్ర‌మ లేకుండా, అధిక బ‌రువు ఉండే వారు కూడా షుగ‌ర్ వ్యాధి బారిన ప‌డే అవ‌కాశాలు ఎక్కువ‌గా ఉంటాయి. ఎన్ని జాగ్ర‌త్త‌లు తీసుకున్న‌ప్ప‌టికి కొంద‌రు షుగ‌ర్ వ్యాధి బారిన ప‌డుతుంటారు. అలాగే కొంద‌రిలో మందులు వాడిన‌ప్ప‌టికి షుగ‌ర్ వ్యాధి ఎంత ప్ర‌య‌త్నించినా కూడా నియంత్ర‌ణ‌లో ఉండ‌దు. అయితే కొన్ని ర‌కాల మొక్క‌ల‌ను ఉప‌యోగించి స‌హ‌జ సిద్దంగా మ‌నం షుగ‌ర్ వ్యాధిని నియంత్ర‌ణ‌లో ఉంచుకోవ‌చ్చు. షుగ‌ర్ వ్యాధిని అదుపులో ఉంచే మొక్క‌ల్లో ఇన్సులిన్ ప్లాంట్ ఒక‌టి.
షుగ‌ర్ వ్యాధిని నియంత్రించ‌డంలో ఈ మొక్క అద్భుతంగా ప‌ని చేస్తుంది క‌నుక ఈ మొక్క‌కు ఆ పేరు వ‌చ్చింది. షుగ‌ర్ వ్యాధి కార‌ణంగా వ‌చ్చే ఇత‌ర అనారోగ్య స‌మ‌స్య‌ల‌ను కూడా ఈ మొక్క‌ను ఉప‌యోగించ‌డం వల్ల త‌గ్గించుకోవ‌చ్చు. ఈ ఇన్సులిన్ మొక్క‌లో ఉండే ర‌సాయ‌నాలు ర‌క్తంలో చ‌క్కెర స్థాయిల‌ను త్వ‌ర‌గా త‌గ్గిస్తాయి. అలాగే ఇన్సులిన్ పెరిగేలా కూడా చేస్తాయి. షుగ‌ర్ వ్యాధితో బాధ‌ప‌డే వారు ఈ ఇన్సులిన్ మొక్క ఆకును రోజుకు ఒక‌టి చొప్పున తిన‌డం వల్ల ఎంతో కాలంగా వేధిస్తున్న షుగ‌ర్ నైనా అదుపులో పెంచుకోవ‌చ్చు. అయితే ఈ మొక్క ఆకుల‌ను గ‌ర్భిణీ స్త్రీలు, పాలిచ్చే త‌ల్లులు అస్స‌లు తీసుకోకూడ‌దు. అలాగే షుగ‌ర్ వ్యాధిని అదుపులో ఉంచే మ‌రో మొక్క పొడ‌ప‌త్రి మొక్క. ఇది తీగ జాతికి చెందిన బ‌హు వార్షిక మొక్క. ఇది ఎక్క‌డ పడితే అక్క‌డ పెరుగుతుంది. ఈ మొక్క ఆకుల్లో ఎన్నో ఔష‌ధ గుణాలు ఉన్నాయి. దీనిని సంస్కృతంలో మేష శృంగి అని పిలుస్తారు.
అంతేకాకుండా పుట్ట భ‌ద్ర, మ‌ధునాశిని అని కూడా పిలుస్తారు. పొడ‌ప‌త్రి మొక్క పూలు గుండ్రంగా ప‌సుపు రంగులో ఉంటాయి. ఈ మొక్క ఆకులు చాలా చేదుగా ఉంటాయి. అయితే షుగ‌ర్ వ్యాధి ఉన్న వారికి ఈ మొక్క ఆకులు చ‌ప్ప‌గా ఉంటాయి. వ్యాధి లేని వారికి ఈ మొక్క ఆకులు చేదుగా ఉంటాయి. ఈ మొక్క ఆకుల‌ను నేరుగా లేదా తిన్నా లేదా వాటితో క‌షాయాన్ని చేసుకుని తాగినా కూడా షుగ‌ర్ వ్యాధి నుండి మ‌నం బ‌య‌ట ప‌డ‌వ‌చ్చు. పొడ‌ప‌త్రి మొక్క ఆకుల‌ను తిన‌డం వల్ల శ‌రీరంలో ర‌క్త ప్ర‌స‌ర‌ణ మెరుగుప‌డుతుంది. గుండె ఆరోగ్యంగా ప‌ని చేస్తుంది. ఆస్థ‌మా వ్యాధి త‌గ్గు ముఖం ప‌డుతుంది. జీర్ణ సంబంధిత స‌మ‌స్య‌లు త‌గ్గుతాయి. కాలేయం శుభ్ర‌ప‌డుతుంది. స్త్రీలు వీటిని తీసుకోవ‌డం వల్ల గ‌ర్భాశ‌య దోషాలు తొల‌గిపోతాయి. షుగ‌ర్ వ్యాధితో బాధ‌ప‌డే వారు ఈ విధంగా ఈ మొక్క‌ల ఆకుల‌ను ఉప‌యోగించ‌డం వల్ల ఎటువంటి దుష్ప్ర‌భావాలు లేకుండా షుగ‌ర్ వ్యాధి నుండి బ‌య‌ట‌ప‌డ‌వ‌చ్చు.
