64 కళల్లో చోరకళ కూడా ఒకటి. ఇంట్లో, షాపులో లేదా చోట మరేదైనా.. దొంగలు దొంగతనానికి పాల్పడ్డారంటే.. దొరికినకాడికి దోచుకెళ్లకుండా ఉండలేరు. జన సమూహం ఉన్నాసరే.. రకరకాల టెక్నిక్స్‌తో దోచుకెళ్లిపోతారంతే.! ఇక ఈ మధ్యకాలంలో పలువురు మహిళలు కూడా చేతివాటం చూపిస్తున్నారు. నగలు, చీరలు, చిన్నచిన్న వస్తువులు.. ఇలా పక్కనున్నవారిని ఏమార్చి దోచేస్తున్నారు. దొరకనంత వరకు ఏ దొంగ అయినా దొరే.. కానీ దొరికితే మాత్రం చితకబాదేస్తారు. ఇలాగే దెబ్బకు తగిలించుకుంది ఓ లేడీ దొంగ. ప్రస్తుతం ఆ వీడియో సోషల్ మీడియాలో వైరల్ అవుతోంది.
ఓ వస్త్ర దుకాణానికి ఒక అమ్మాయి షాపింగ్ కోసం వచ్చింది. జీన్స్ ప్యాంట్స్ ట్రయిల్ కోసం అడిగింది. టెస్టింగ్ కోసం డ్రస్సింగ్ రూమ్‌లోకి వెళ్లింది. ఇంతవరకు బాగానే ఉంది. అయితే ఆ తర్వాత డ్రస్సులేవి కొనకుండా మెల్లిగా జారుకుంటుంటే.. అనుమానమొచ్చి సిబ్బంది ఆమెను పట్టుకున్నారు.
ఆమె ప్యాంట్ విప్పే ప్రయత్నం చేయగా.. దెబ్బకు కంగుతిన్నారు. ఎందుకంటే.! ఆమె దొంగతనం చేసింది జీన్స్ ప్యాంట్‌లను. ఒంటిపైనే ఆ ప్యాంట్స్ ధరించి.. అక్కడ నుంచి మెల్లిగా జారుకోవాలనుకుంది.. కానీ అడ్డంగా దొరికిపోయింది. ఇక దొంగతనం చేసిందంటే.. సిబ్బంది ఊరుకుంటారా.. ఆమె చెంపలు వాయించి వదిలిపెట్టారు. దీంతో బతుకు జీవుడా అనుకుంటూ ఆ అమ్మాయి పరారైంది. ఈ సంఘటన జరిగి చాలా రోజులు అవ్వగా.. ప్రస్తుతం అందుకు సంబంధించిన వీడియో సోషల్ మీడియాలో వైరల్ అవుతోంది.
