Pomegranate Juice : మ‌నం ఆరోగ్యానికి మేలు చేస్తాయ‌ని అనేక రకాల పండ్ల‌ను ఆహారంగా తీసుకుంటూ ఉంటాం. వాటిలో దానిమ్మ పండ్లు కూడా ఒక‌టి. దానిమ్మ పండ్లు మ‌న‌కు మార్కెట్ లో విరివిరిగా ల‌భిస్తాయి. అలాగే దాదాపు అన్ని కాలాల్లో ల‌భిస్తాయి. ఇవి రుచిగా ఉండ‌డంతో పాటు వీటిని తీసుకోవ‌డం వల్ల మ‌న ఆరోగ్యానికి ఎంతో మేలు క‌లుగుతుంది. దానిమ్మ పండ్ల‌ల్లో ఐర‌న్, విట‌మిన్ సి, విట‌మిన్ ఇ, విట‌మిన్ కె, మెగ్నీషియం, యాంటీ ఆక్సిడెంట్లు ఇలా ఎన్నో రకాల పోష‌కాలు ఉన్నాయి. వీటిని నేరుగా తిన‌డంతో పాటు జ్యూస్ గా చేసుకుని కూడా తాగుతూ ఉంటారు. దానిమ్మ‌పండ్ల జ్యూస్ ను తాగ‌డం వల్ల మ‌న ఆరోగ్యానికి ఎంతో మేలు క‌లుగుతుంద‌ని నిపుణులు చెబుతున్నారు. ఈ జ్యూస్ లో ఎల్లాగిటానిన్స్ అనే పాలీపినాల్స్ ఉంటాయి. ఇవి యాంటీ ఆక్సిడెంట్లుగా ప‌ని చేసి శ‌రీరంలో ఇన్ ప్లామేష‌న్ ను త‌గ్గిస్తాయి. నరాల ఒత్తిడిని త‌గ్గించి న‌రాల‌కు బ‌లాన్ని ఇస్తాయి.
ఇందులో ఉండే మెగ్నీషియం నరాల ఆరోగ్యాన్ని మెరుగుప‌ర‌చ‌డంలో స‌హాయ‌ప‌డుతుంది. అలాగే దానిమ్మ జ్యూస్ ను తాగ‌డం వల్ల శ‌రీరంలో కార్టిసాల్ అనే హార్మోన్ స్థాయిలు అదుపులో ఉంటాయి. దీంతో కండ‌రాల ప‌నితీరు మెరుగుప‌డుతుంది. కండ‌రాలు ఆరోగ్యంగా ఉంటాయి. దానిమ్మ జ్యూస్ ను తాగ‌డం వల్ల ర‌క్త‌హీన‌త స‌మ‌స్య ద‌రి చేర‌కుండా ఉంటుంది. ఈ జ్యూస్ ను తాగ‌డం వల్ల చ‌ర్మ ఆరోగ్యం మెరుగుప‌డుతుంది. వృద్దాప్య ఛాయ‌లు మ‌న ద‌రి చేర‌కుండా ఉంటాయి. నీర‌సం, బ‌ల‌హీన‌త , నిస్స‌త్తువ వంటి స‌మ‌స్య‌ల‌తో బాధ‌ప‌డే వారు దానిమ్మ జ్యూస్ ను తాగ‌డం వల్ల మంచి ఫ‌లితం ఉంటుంది.
అంతేకాకుండా ఈ జ్యూస్ ను తాగ‌డం వల్ల గుంగె ఆరోగ్యం మెరుగుప‌డుతుంది. ర‌క్త‌పోటు అదుపులో ఉంటుంది. జ్ఞాప‌క శ‌క్తి పెరుగుతుంది. శ‌రీరంలో రోగ నిరోధ‌క శ‌క్తి పెరుగుతుంది. గ‌ర్భిణీ స్త్రీలు ఈ జ్యూస్ ను తాగ‌డం వల్ల మ‌రింత మేలు క‌లుగుతుంది. దానిమ్మ‌జ్యూస్ ను తాగ‌డం వల్ల మ‌నం చ‌క్క‌టి ఆరోగ్యాన్ని పొంద‌వ‌చ్చు. రోజూ ఉద‌యం తాజాగా త‌యారు చేసిన ఒక గ్లాస్ దానిమ్మ జ్యూస్ ను తాగ‌డం వల్ల మ‌నం అనారోగ్య స‌మ‌స్య‌ల బారిన ప‌డ‌కుండా ఉంటామ‌ని నిపుణులు తెలియ‌జేస్తున్నారు.
