మనకి మొత్తం 12 రాశులు ఉన్నాయన్న విషయం మనకు తెలుసు. విశ్వంలో అనేక నక్షత్రాలు, గ్రహాలు ఉన్నాయి. భూమిపై ఇవి ప్రభావం చూపిస్తాయి. గ్రహాలు, నక్షత్రాలు కూడా మన మీద ప్రభావం చూపిస్తాయి. అయితే రాశులలో ఉండే గ్రహాల ప్రభావాన్ని చూసి ఎలా మనిషికి ఇబ్బందులు కలగబోతున్నాయి..? శుభాలు జరగబోతున్నాయి అనేది తెలుసుకోవచ్చు. అయితే మనం ఏ రాశి వారికి ఏ శరీర భాగాన్ని చూసి శుభ, అశుభ ఫలితాలను చెప్పచ్చనే దాని గురించి తెలుసుకుందాం. ఇప్పుడు మరి మీ రాశి వారికి ఏ అవయవ భాగము లగ్నము నుండి చూడచ్చో చూసేయండి.
ముందు మేషరాశి వారికి చూస్తే.. ఈ రాశి వారికి శిరస్సు, మెదడును చూడాలి. వృషభరాశి వారికి అయితే ముఖాన్ని, గొంతు, మెడ, టాన్సిల్స్, కళ్ళు, ముక్కు, నాలుక, వేళ్ళగోళ్ల‌ని చూడాలి. మిధున రాశి వాళ్లకి అయితే ఉదరాన్ని, చేతులు, చెవుల‌ని చూడాలి. కర్కాటక రాశి వాళ్లకి అయితే హృదయం, స్తనాలు, ఊపిరితిత్తులు చూసి చెప్పవచ్చు. సింహ రాశి వాళ్లకి అయితే పొట్ట, గుండె, వెన్నుపూస చూడాలి.
కన్యా రాశి వారికి అయితే నడుము, చిన్నప్రేవులు, ఆహారనాళం చూడాలి. తులారాశి వాళ్లకి పొత్తికడుపు, మూత్ర పిండాలు చూడాలి. వృశ్చిక రాశి వాళ్లకి జననాంగాల(బాహ్య జననేంద్రియాలు)ని చూడాలి. ధనస్సు రాశి వారికి తొడలు ,తుంట చూడాల్సి వుంటుంది. మకర రాశి వాళ్లకి మోకాళ్ళు చూడాలి. కుంభరాశి వారికి పిక్కలు, చీలమండలు చూడాలి. మీన రాశి వారికి పాదాలు చూడాలి.
అదే గ్రహాల విషయానికి వస్తే.. రవికి శిరస్సు, హృదయం, కుడికన్ను, ఉదరం, ఎముకలు. చంద్రుడుకి ఎడమ కన్ను, శరీరంలోని ద్రవాలు, స్త్రీల పునఃఉత్పత్తి అంగాలు చూడాల్సి వుంటుంది. గురువుకి కాలేయం, పిత్తకోశం, చెవి, శుక్రుడుకి ముఖం, పునః ఉత్పత్తి అంగాలు, వీర్యం, ప్రేగులు, శనికి కాళ్ళు, పాదాలు, కుజుడుకి ఎముకలలో మజ్జ, రక్తం, పిత్తం, మెడభాగం, బుధుడుకి గొంతు, ముక్కు, ఊపిరితిత్తులు చూడాల్సి ఉంటుంది. ఇలా ఆయా రాశులు, ఆయా గ్ర‌హాల‌కు మన శరీరంలోని ప‌లు భాగాలు ప్ర‌తిబింబాలుగా నిలుస్తాయి. దీన్ని బ‌ట్టి జాత‌క ఫ‌లితాలు ఉంటాయి.
