యూట్యూబ్లో మనీ అన్నది మనం చేసే టాపిక్ ని బట్టి… ఆ టాపిక్ మీద డిస్ ప్లే అయ్యే యాడ్స్ ని బట్టి… యాడ్స్ వచ్చే టైంను బట్టి… యాడ్స్ వచ్చే ప్లేస్ ని బట్టి ఉంటుంది. ఉదాహరణకి మీరు ఇండియాలో ఉండి వీడియో చూస్తున్నప్పుడు యాడ్ వచ్చిందనుకోండి. ఆ యాడ్ మీద షుమారుగా 25 పైసలు వస్తుంది అనుకుందాం. మరి అదే వీడియోని అమెరికాలో ఉండి చూస్తుంటే కనుక అక్కడ వచ్చే యాడ్ కాస్ట్ డబుల్ లేదా త్రిబుల్ ఉంటుంది. అంటే షుమారుగా 75 పైసలు ఉంటుంది. మన రూపాయి కంటే డాలర్ ఖరీదు ఎక్కువ కదా. రేటు కూడా ఎక్కువ ఉంటుంది. అట్లాగే ప్రైమ్ టైంలో యాడ్స్ ప్లే అయితే వాటి రేటు కొంచెం ఎక్కువ ఉండొచ్చు. ఖరీదైన కంపెనీల యాడ్స్ వస్తే మంచి ఇన్కమ్ ఉంటుంది. మంచి ఇన్కమ్ అంటే వందలో… వేలో అనుకునేరు… అన్నీ సెంట్స్ లోనే సుమా…!!
బాగా ఎక్కువ యాడ్స్ వస్తేనే వందల్లో వేలల్లో ఇంకా లక్షల్లో కోట్లల్లో కూడా డబ్బుని కళ్ళ చూడగలం. కాబట్టి ఎక్కువ వ్యూస్ వస్తే ఎక్కువ డబ్బులు వస్తాయనుకోవటం మీ భ్రమ. వీడియో మీద ప్లే అయ్యే యాడ్స్ ని బట్టి రెవిన్యూ ఉంటుంది. మా ఫ్రెండ్స్ లో కొంత మంది అప్పుడప్పుడు నన్ను ఆట పట్టిస్తూ ఉంటారు. ఆట పట్టించడం అనే కంటే మన మీద పడి ఏడవటం అనటం కరెక్ట్. నీకేంట్రా యూట్యూబ్ ఛానల్ ఉంది నెలకి లక్షల్లో సంపాదిస్తున్నావుగా అని ఏడ్చేవాళ్ళే ఎక్కువ. ఒక్కో ఛానల్ 10 లక్షలకి అమ్మేస్తాను తీసుకోండ్రా అని అంటాను నేను. దెబ్బకి అంతా సైలెంట్. మొబైల్ ద్వారా షుమారుగా 10 నిమిషాలు లెంగ్త్ ఉన్న వీడియో రికార్డ్ చేసి ఎడిట్ చేసి అప్లోడ్ చేయడానికి కనీసం ఏడు నుంచి పది గంటల సమయం పడుతుంది. వీడియో క్లిక్ అయితే సరి. లేకపోతే పడ్డ కష్టం అంతా వృధా అవుతుంది. గుడ్డు పెట్టే కోడికి తెలుస్తుంది నొప్పి ఎంతనేది. ఆమ్లెట్ వేసుకుతినే అడ్డ గాడిదలకు ఏం తెలుస్తుంది కోడి నొప్పి.
ఫైనల్ గా… 2024 లెక్కల ప్రకారం షుమారుగా 2000 వ్యూస్ కి ఒక డాలర్ వస్తుంది. ఇది కేవలం అంచనా మాత్రమే సుమా. కొంత మందికి పదివేల వ్యూస్ కి ఒక డాలర్ రావచ్చు కూడా. అట్లాగే పైన చెప్పింది కేవలం లెంగ్త్ వీడియోస్ కి మాత్రమే వర్తిస్తుంది. అదే యూట్యూబ్ షార్ట్ వీడియోస్ కి షుమారుగా ఒకటి లేదా రెండు మిలియన్ వ్యూస్ కి ఒక డాలర్ రావచ్చు. ఇప్పుడు ఊహించుకోండి 100 వ్యూస్ కి ఎంత డబ్బు వస్తుందో. యూట్యూబ్లో మానిటైజేషన్ ఎనేబుల్ కావాలంటే 1000మంది ఫాలోవర్లు మరియు సంవత్సరం లోపు నాలుగు వేల గంటల వాచ్ టైం ఉండాలి. మానిటైజేషన్ ఉంటేనే పైన చెప్పినట్టు ఇన్కమ్ వస్తుంది. లేకపోతే అంతా వేస్టే.
