సినిమా ఇండ‌స్ట్రీలో ప్రేక్ష‌కుల‌కి వినోదం పంచే చిత్రాలు ఎన్నో వ‌స్తుంటాయి, వెళుతుంటాయి. కాని కొన్ని మాత్రం అలా గుర్తుండి పోతాయి. అలాంటి వాటిలో మొద‌టిగా చెప్పుకోవ‌ల్సి వస్తే ఫాల్ మూవీ. స్టోరీ విషయానికి వస్తే ఇద్దరు అమ్మాయిలు 2000 అడుగులు ఎత్తు ఉన్న భ‌వ‌నం ఎక్కి ఇరుక్కు పోతారు. ఎలా బ‌య‌ప‌డ్డారు అనేదే స్టోరీ. ఈ చిత్రం అమెజాన్ ప్రైమ్ స్టోరీలో స్ట్రీమింగ్ అవుతుంది. ఇక మరో సినిమా మాలికాపురం. భాగ‌మ‌తి, య‌శోద వంటి సినిమాల‌తో తెలుగులో మంచి గుర్తింపును సొంతం చేసుకున్నాడు మ‌ల‌యాళ హీరో ఉన్నిముకుంద‌న్ ప్ర‌ధాన పాత్ర‌లో న‌టించిన మ‌ల‌యాళ మూవీ మాలికాపురం తెలుగులో అదే పేరుతో అనువాద‌మైంది. తెలుగు వెర్ష‌న్‌ను థియేట‌ర్ల‌లో గీతా ఆర్ట్స్ రిలీజ్ చేసింది. ఈ సినిమా డిస్నీ ప్ల‌స్ హాట్స్టార్ ద్వారా ఓటీటీ ప్రేక్ష‌కుల ముందుకొచ్చింది. భ‌క్తి ప్ర‌ధాన క‌థాంశంతో చిత్రం రూపొందింది.
త‌ర్వాతి బెస్ట్ చిత్రం సెంబీ. ప్ర‌ముఖ లేడి క‌మెడీయ‌న్ కోవై స‌ర‌ళ న‌టించిన తమిళ మూవీ ‘సెంబి’.. ఈ సినిమాకు విమర్శకుల ప్రశంసలు దక్కాయి. ఈ మూవీ డిస్నీ+హాట్స్టార్ వేదికగా స్ట్రీమింగ్ అవుతుంది. ప్రభు సాల్మన్‌ ఎమోష‌న‌ల్ ఎంట‌ర్‌టైన‌ర్‌గా ఈ చిత్రాన్ని తెరకెక్కించారు. మరో బెస్ట్ చిత్రం కొర‌మేను మూవీ. ఆనంద్ రవి, కిషోరి ధాత్రక్, హరీష్ ఉత్తమన్, శత్రు, రాజా రవీందర్ ప్ర‌ధాన పాత్ర‌ల‌లో ద‌ర్శ‌కుడు శ్రీప‌తి కర్రి ఈ చిత్రాన్ని తెరకెక్కించారు. సినిమాలో మూడు ముఖ్య పాత్రలు కనిపిస్తాయి. వాటిలో ముగ్గురు నటులు శత్రు, హరీష్ అలాగే ఆనంద్ రవిలు మంచి నటనను కనబరిచారు.
ఇక త‌ర్వాతి చిత్రం ఇరట్ట.మలయాళం నుంచి వచ్చిన మరో సినిమా ఇరట్ట. నెట్ ఫ్లిక్స్ లో రిలీజైన ఈ సినిమా చూసిన అందరు బాబోయ్ ఇదే సినిమా.. ఇదేం ట్విస్టులు అనేస్తున్నారు.రోహిత్ ఎం.జి కృష్ణన్ డైరెక్ట్ చేసిన ఈ సినిమాలో జోజు జార్జ్ డ్యుయల్ రోల్ లో నటించారు. అంజలి ఫిమేల్ లీడ్ గా చేశారు. మరో హిట్ చిత్రం విన‌రో భాగ్య‌ము విష్ణు క‌థ. కిర‌ణ్ అబ్బ‌వ‌రం న‌టించిన ఈ సినిమాలో నానారకాల జానర్స్ ఉండడం వల్ల ఒక టికెట్ కి నాలుగైదు చిన్న సినిమాలు చూసిన ఫీలింగొస్తుంది. దీనికి తోడు సీక్వెల్ కి కూడా గ్రౌండ్ సెట్ చేసుకుని ఎండ్ సీన్ పెట్టారు. చివ‌రిగా రైట‌ర్ ప‌ద్మ‌భూష‌ణ్. ఈ సినిమా ప్ర‌తి ఒక్క‌రికి మంచి థ్రిల్ క‌లిగించింది. చిరు కూడా ఈ మూవీ క్యాస్ట్‌పై ప్రశంసలు కురిపించారు.
