Gummadi : గుమ్మడి.. ఈ పేరు ఈ కాలం నాటి వారికి పెద్ద‌గా తెలిపోవ‌చ్చు కాని అప్ప‌టి కాలం వారికి మాత్రం చాలా సుప‌రిచితం. విల‌క్ష‌ణ‌మైన పాత్రలు పోషిస్తూ మంచి పేరు తెచ్చుకున్నారు గుమ్మడి. అతి చిన్న వయసులో ఎంతో భారమైన, పరిణితి కి మించిన పాత్రలు ధరించి ప్రేక్షకుల మ‌నసుల‌లో చెర‌గ‌ని ముద్ర వేసుకున్నాడు.గుమ్మడి నటన జీవితానికి సంబంధించిన ఒక చిన్న ఉదాహరణలు గురించి చెప్పాలంటే ఆయన నటించిన అర్ధాంగి సినిమాలో గుమ్మడి కి భార్యగా నటించిన న‌టీమ‌ణి శాంతకుమారి కాగా, ఆమె ఆయన క‌న్నా ఎనిమిది సంవత్సరాలు పెద్ద వయసు కలిగింది .ఇక గుమ్మడి కి పెద్ద కొడుకు గా నటించిన అక్కినేని నాగేశ్వరరావు ఆయన క‌న్నా మూడు సంవత్సరాలు పెద్ద‌వాడు.
గుమ్మడి కి చిన్న కొడుకుగా నటించిన జగ్గయ్య వయసు కూడా గుమ్మడి కంటే సంవత్సరం పెద్ద. ఇలా తనకంటే పెద్ద హీరోలకు తండ్రిగా, అన్నగా నటించి పెద్ద పాత్రలకు పెట్టింది పేరుగా గుమ్మడి నటనా జీవితం కొనసాగించారు. అయితే గుమ్మడి కి సీనియర్ ఎన్టీఆర్ కి మధ్యలో కొన్నేళ్లపాటు కోల్డ్ వార్ జరిగింది. వాస్తవానికి గుమ్మడి ఇండస్ట్రీకి వచ్చిన కొత్తలో నటుడు నాగయ్య ఆఫీస్ లోనే ఒక రూమ్ లో ఉండేవాడు.మొదటి రెండు సినిమాల వరకు కూడా అక్కడే ఆశ్రయం పొందాడు. తర్వాత ఏమైందో ఏమో కాని తన మ‌కాంని హోటల్ రూంకి మార్చాడు.
ఆ సమయంలో టి.ఎన్.టి వారి ఆఫీస్ ఎదురుగా సంగీత దర్శకుడు టీవీ రాజు ఒక హోటల్లో ఎన్టీ రామారావు తో కలిసి ఉండేవారు.అక్కడ గుమ్మడి తో ఎన్టీఆర్ కి జరిగిన పరిచయం, చివరికి తన సొంత చిత్రంలో గుమ్మడి కి పిలిచి మరి అవకాశం ఇచ్చే స్థాయి వరకు వెళ్లింది . అనేక సినిమాల్లో గుమ్మడి ఎన్టీఆర్ కలిసి నటించారు. ఆ తర్వాత కాలంలో అక్కినేని కి ఎన్టీఆర్ కి పొసగకపోవడం వారి మధ్య వివాదాలకు తావిచ్చింది. అక్కినేని సినిమాల్లో ఎక్కువ‌గా గుమ్మడి న‌టిచండంతో ఎన్టీఆర్ ఆయ‌న‌ని దూరం పెట్టాడ‌ట. ఓ సారి గుమ్మడి ఎన్టీఆర్ ఇంటికి వెళ్లి తన కుమార్తె పెళ్లికి రావలసిందిగా కోరినా కూడా ఎన్టీఆర్ రాలేదు. దాంతో తీవ్ర మనస్థాపానికి గురయ్యాడు గుమ్మడి.ఆ తర్వాత కాలంలో అక్కినేని ఎన్టీఆర్ కలిసిపోవ‌డంతో గుమ్మ‌డికి కూడా తన సినిమాల‌లో అవకాశం ఇచ్చాడు ఎన్టీఆర్.
