ఆహారం, వ్యాయామం, ఒత్తిడిని త‌గ్గించుకోవ‌డం, నిద్ర అనే నాలుగు కీలక అంశాల ఆధారంగా అధిక బ‌రువు నిర్ణ‌యించ‌బ‌డుతుంది. వీటిని నియంత్ర‌ణ‌లో ఉంచుకుంటే బ‌రువు అదుపులో ఉంటుంది. లేదంటే అధికంగా బ‌రువు పెరుగుతారు. దాంతోపాటు పొట్ట దగ్గరి కొవ్వు కూడా పెరుగుతుంది. అయితే కింద తెలిపిన సూచ‌న‌ల‌ను పాటిస్తే పొట్ట దగ్గరి కొవ్వును సుల‌భంగానే కరిగించుకోవ‌చ్చు. మ‌రి అందుకు ఏం చేయాలంటే..
1. అన్ని పోష‌కాలు క‌లిగిన స‌మ‌తుల ఆహారాన్ని రోజూ తీసుకోవాలి. దీంతో అన్ని పోష‌కాలు లభిస్తాయి. పోష‌కాలు అన్నీ ఉండే విధంగా డైట్ చార్ట్‌ను సిద్ధం చేసుకుని దాని ప్ర‌కారం రోజూ ఆహారం తీసుకోవాలి. దీంతో అన్ని పోష‌కాలు రోజూ లభిస్తాయి. ఇది పొట్ట దగ్గరి కొవ్వును క‌రిగించేందుకు స‌హాయ ప‌డుతుంది.
2. ఫైబర్ అధికంగా ఉండే ఆహారాల‌ను రోజూ తీసుకోవాలి. దీంతో పొట్ట దగ్గరి కొవ్వును తగ్గించడంలో ఫైబర్ సహాయపడుతుంది. ప్రతి రోజూ 25 గ్రాముల ఫైబర్ తీసుకోవడం వల్ల ఎక్కువ సమయం పాటు క‌డుపు నిండినట్లు అనిపిస్తుంది. దీంతో బ‌రువు తగ్గవ‌చ్చు. ఇది ఆహారం నుండి కేలరీల శోషణను కూడా తగ్గిస్తుంది. దీని వల్ల పొట్ట దగ్గరి కొవ్వు త‌గ్గుతుంది.
3. ట్రాన్స్‌ఫ్యాట్స్ అనేవి నూనెల‌ను వేడి చేసిన‌ప్పుడు ఏర్ప‌డుతాయి. అంటే నూనెలో వేయించిన లేదా నూనెతో త‌యారు చేసిన ప‌దార్థాల్లో ఇవి ఉంటాయ‌న్న‌మాట. అందువ‌ల్ల నూనె ప‌దార్థాల‌ను తిన‌రాదు. వాటిని తింటే శరీరంలో కొవ్వు పేరుకుపోతుంది. డ‌యాబెటిస్‌, గుండె జ‌బ్బులు వ‌చ్చేందుకు అవ‌కాశాలు ఉంటాయి. క‌నుక నూనె ప‌దార్థాల‌ను మానేయ‌డం వల్ల బ‌రువును త‌గ్గించుకోవ‌చ్చు. పొట్ట దగ్గరి కొవ్వు క‌రుగుతుంది.
4. వారంలో క‌నీసం ఒక రోజు అయినా ఉప‌వాసం ఉండాలి. అలాగే అప్పుడ‌ప్పుడు ఇంట‌ర్మిటెంట్ ఫాస్టింగ్‌ను అనుస‌రించాలి. అంటే రోజులో కేవ‌లం 6 గంట‌ల పాటు మాత్రమే తిని 18 గంట‌ల పాటు జీర్ణాశయాన్ని ఖాళీగా ఉంచాల‌న్న‌మాట. ఇలా అప్ప‌డ‌ప్పుడు చేస్తుంటే క‌నీసం 4 నుంచి 7 శాతం వ‌ర‌కు పొట్ట దగ్గరి కొవ్వు క‌రుగుతుంద‌ని అధ్య‌య‌నాల్లో తేలింది. క‌నుక ఇంట‌ర్మిటెంట్ ఫాస్టింగ్‌ను పాటించాలి.
5. ఒత్తిడి ఎక్కువగా ఉన్న‌ప్పుడు శరీరంలో కార్టిసాల్ అనే హార్మోన్ విడుద‌లై పొట్ట దగ్గర కొవ్వు పేరుకుపోయేలా చేస్తుంది. క‌నుక ఒత్తిడిని త‌గ్గించుకోవాలి. కుటుంబం, స్నేహితులతో సమయం గడపడం, యోగా లేదా ధ్యానం చేయడం వంటి వాటితో ఒత్తిడి త‌గ్గుతుంది. దీంతో పొట్ట దగ్గర కొవ్వు పేరుకుపోకుండా చూసుకోవ‌చ్చు.
6. ఎక్కువగా ఆల్కహాల్ ను తీసుకోవడం వల్ల శరీరానికి తీవ్రమైన హాని కలుగుతుంది. పొట్ట దగ్గర కొవ్వు పేరుకుపోతుంది. క‌నుక మ‌ద్యం అతిగా సేవించ‌రాదు.
7. రోజూ వ్యాయామం చేయడం వల్ల పొట్ట దగ్గర కొవ్వుతో సహా శరీరంలో ఉండే అదనపు కొవ్వు మొత్తం క‌రిగిపోతుంది. మెరుగైన ఫలితాల కోసం వారానికి క‌నీసం 5 రోజుల పాటు వ్యాయామం చేయాలి. రోజుకు 30 నిమిషాల వ్యాయామం అవసరం. చెమట పట్టేలా చేసి హృదయ స్పందన రేటును పెంచాలి. దీనివ‌ల్ల పొట్ట దగ్గర కొవ్వు క‌రిగిపోతుంది. వేగవంతమైన నడక లేదా స్కిప్పింగ్, జాగింగ్‌, ఏరోబిక్ వ్యాయామం వంటివి చేయడం వల్ల పొట్ట దగ్గరి కొవ్వును కరిగించుకోవ‌చ్చు.
