Cloves Milk : మ‌నం పాల‌ను కూడా ఆహారంగా తీసుకుంటూ ఉంటాము. చాలా మంది ప్ర‌తిరోజూ పాల‌ను తాగుతూ ఉంటారు. పాల‌ల్లో ఎన్నో ఆరోగ్య ప్ర‌యోజ‌నాలు, పోష‌కాలు దాగి ఉన్నాయన్న సంగ‌తి మ‌న‌కు తెలిసిందే. దాదాపు మ‌న శ‌రీరానికి అవ‌స‌ర‌మ‌య్యే క్యాల్షియం, ప్రోటీన్స్, మెగ్నీషియం, విట‌మిన్ ఎ, రైబోప్లేవిన్, ఫాస్ప‌ర‌స్, విట‌మిన్ డి ఇలా అనేక ర‌కాల పోష‌కాలు ఉంటాయి. పాల‌ను ఆహారంగా తీసుకోవ‌డం వ‌ల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చు. అయితే సాధార‌ణ పాల‌ను తాగ‌డానికి బదులుగా అందులో ల‌వంగాల పొడిని క‌లిపి తీసుకోవ‌డం వ‌ల్ల మ‌రింత మంచి ఫ‌లితం ఉంటుంద‌ని నిపుణులు చెబుతున్నారు. ల‌వంగాలు మ‌న‌కు మ‌సాలా దినుసులుగా మాత్ర‌మే తెలుసు. కానీ ల‌వంగాలు కూడా మ‌న ఆరోగ్యానికి ఎంతో మేలు చేస్తాయి.
ల‌వంగాలల్లో కూడా క్యాల్షియం, మెగ్నీషియం, పొటాషియం, జింక్, కాప‌ర్ వంటి ఎన్నో పోష‌కాలు ఉంటాయి. మ‌న ఆరోగ్యానికి ఎంతో మేలు చేసే ఈ ల‌వంగాల‌ను పొడిగా చేసి పాల‌ల్లో క‌లిపి తీసుకోవ‌డం వ‌ల్ల అనేక అనారోగ్య స‌మ‌స్య‌ల‌ను దూరం చేసుకోవ‌చ్చ‌ని నిపుణులు సూచిస్తున్నారు. ఇలా ల‌వంగాల పొడి క‌లిపిన పాల‌ను తీసుకోవ‌డం వ‌ల్ల వాతావ‌ర‌ణ మార్పుల కార‌ణంగా త‌లెత్తే జ‌లుబు, ద‌గ్గు, గొంతునొప్పి, ఆస్థ‌మా వంటి స‌మ‌స్య‌ల నుండి చ‌క్క‌టి ఉప‌శ‌మ‌నం క‌లుగుతుంది. ఈ పాల‌ను రాత్రి పూట తీసుకోవ‌డం వ‌ల్ల ఒత్తిడి, ఆందోళ‌న వంటి స‌మ‌స్య‌లు దూర‌మ‌వుతాయి. దీంతో నిద్ర‌లేమి సమస్య కూడా తగ్గుతుంది. అలాగే పాల‌ల్లో ల‌వంగం పొడిని క‌లిపి తీసుకోవ‌డం వ‌ల్ల జీర్ణ‌శ‌క్తి మెరుగుప‌డుతుంది. మ‌ల‌బ‌ద్ద‌కం సమస్య తగ్గుతుంది.
ఆక‌లి పెరుగుతుంది. అలాగే ఈ పాల‌ను తీసుకోవ‌డం వ‌ల్ల ఎముక‌లు ధృడంగా త‌యార‌వుతాయి. ఎముకల‌కు సంబంధించిన స‌మ‌స్య‌లు త‌గ్గుతాయి. శ‌రీరంలో రోగ నిరోధ‌క శ‌క్తి పెరుగుతుంది. ఇన్పెక్ష‌న్ లు మ‌న ద‌రి చేర‌కుండా ఉంటాయి. అలాగే పాల‌ల్లో ల‌వంగం పొడిని క‌లిపి తీసుకోవ‌డం వ‌ల్ల నోటి దుర్వాస‌న, దంతాల నొప్పులు వంటి స‌మ‌స్య‌లు త‌గ్గుతాయి. నోటి ఆరోగ్యం మెరుగుప‌డుతుంది. ఇటువంటి చ‌క్క‌టి ప్ర‌యోజ‌నాలు పొందాల‌నుకునే వారు ఒక గ్లాస్ గోరు వెచ్చ‌ని పాల‌ల్లో రెండు ల‌వంగాల వేసి క‌లిపి తీసుకోవాలి. ఈ పాల‌ను ఉద‌యం లేదా రాత్రి ప‌డుకోవ‌డానికి అర‌గంట ముందు తీసుకోవాలి. ఈ విధంగా ల‌వంగం పొడిని క‌లిపిన పాల‌ను తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంద‌ని నిపుణులు చెబుతున్నారు.
