Healthy Life Style : మ‌నం ఆరోగ్యంగా, ఆనందంగా జీవించాలంటే ముఖ్యంగా మన జీవ‌న‌శైలి చ‌క్క‌గా ఉండాలి. మ‌న‌లో ఒక్కొక్క‌రు ఒక్కో విధ‌మైన జీవ‌న‌శైలిని క‌లిగి ఉంటారు. అయితే మన జీవ‌న‌శైలే మన ఆరోగ్యాన్ని, ఆనందాన్ని నిర్ణ‌యిస్తుంది. క‌నుక మ‌నం చ‌క్క‌టి జీవ‌న‌శైలిని క‌లిగి ఉండ‌డం చాలా అవ‌స‌రం. ఆనంద‌మైన, ఆరోగ్యవంతమైన జీవ‌న‌శైలి కోసం మ‌నం మన జీవ‌నశైలిలో కొన్ని ఖ‌చ్చిత‌మైన మార్పుల‌ను చేసుకోవ‌డం చాలా అవ‌స‌రం. ఆరోగ్యవంతమైన జీవ‌నం కోరుకునే వారు ఈ 10 అల‌వాట్ల‌ను ఖ‌చ్చితంగా ఉండాలి. దీని కోసం మన రోజూ ఉద‌యాన్ని చిన్న విజ‌యంతో ప్రారంభించాలి. ధ్యానం చేయ‌డం, చ‌క్క‌టి కోట్ నుండి ప్రేర‌ణ పొంద‌డం వంటివి చేయాలి. ఇవి మన శ్రేయ‌స్సుకు దోహ‌దం చేస్తాయి. అలాగే ఉద‌యం లేవ‌గానే ఫోన్ ను చూడ‌డం మానేయాలి.
మన ఇంట్లోని వాళ్ల‌ను అభినందించ‌డం వారికోసం స‌మయాన్ని వెచ్చించడం వంటివి చేయాలి. ఇది మన మాన‌సిక ఆరోగ్యాన్ని మెరుగుప‌రుస్తుంది. అలాగే రోజూ ఒక చిన్న ల‌క్ష్యాన్ని ఏర్ప‌రుచుకోవాలి. ఆ ల‌క్ష్యాన్ని చేరుకోవ‌డానికి శ‌క్తిని, బ‌లాన్ని ఏర్ప‌రుచుకోవాలి. ఇలా చేయ‌డం వల్ల మ‌నం రోజంతా ఉత్సాహంగా ప‌నిచేసుకోవ‌చ్చు. అదే విధంగా మ‌నం తీసుకునే ఆహారంలో పండ్లు, కూర‌గాయ‌లు ఎక్కువ‌గా ఉండేలా చూసుకోవాలి. ఫైబ‌ర్, విటమిన్లు, మిన‌ర‌ల్స్, యాంటీ ఆక్సిడెంట్లు ఉండేలా చూసుకోవాలి. దీంతో మన ఆరోగ్యం మెరుగుప‌డుతుంది. అలాగే రోజూ త‌ప్ప‌కుండా వ్యాయామం చేయాలి.
ప్ర‌ణాళికాబ‌ద్ద‌మైన మ‌రియు ఆనందాన్ని ఇచ్చే వ్యాయామాన్ని రోజూ చేయాలి. మన శ‌రీర ఆరోగ్యాన్ని మెరుగుప‌ర‌చ‌డంలో వ్యాయామం ఎంతో మేలు చేస్తుంది. అదే విధంగా శ‌రీరంలో ఉష్ణోగ్ర‌త‌లు అదుపులో ఉండ‌డానికి, జీవ‌క్రియ‌లు స‌రిగ్గా ప‌నిచేయ‌డానికి, త‌ల‌నొప్పి, అల‌స‌ట వంటివి మన ద‌రి చేర‌కుండా ఉండ‌డానికి మ‌నం మన శ‌రీరం హైడ్రేటెడ్ గా ఉండేలా చూసుకోవాలి. అలాగే ఇత‌రులు చేసే ప‌ని చిన్న‌ది అయినా పెద్ద‌ది అయినా దానిని గుర్తించి ప్ర‌శంసించే అల‌వాటు చేసుకోవాలి. ఇది ఆనందాన్ని పెంచ‌డమే కాకుండా స్థితిస్థాప‌క‌త‌ను పెంపొందిస్తుంది. అదేవిధంగా స్నేహితులు, కుటుంబ స‌భ్యులు, సన్నిహితులు, స‌హోద్యోగులతో మంచి సంబంధాల‌ను క‌లిగి ఉండాలి.
వీటితో పాటు ధ్యానం, ప్ర‌కృతి, క‌ళ‌లు, సంగీతం వంటి వాటితో గ‌డిపే అల‌వాటు చేసుకోవాలి. ఇది మన శ‌రీర శ్రేయ‌స్సుకు ఎంతో మేలు చేస్తుంది. అలాగే ఒత్తిడి, ఆందోళ‌న వంటి వాటి బారిన ప‌డ‌కుండా మన‌సును నియంత్ర‌ణ‌లో ఉంచుకునే శ‌క్తి క‌లిగి ఉండాలి. ఈ విధంగా ఈ అల‌వాట్ల‌ను చేసుకోవ‌డం వల్ల మన జీవ‌న‌శైలి చ‌క్క‌గా ఉంటుంది. మ‌నం ఆనందంగా,ఆరోగ్యంగా జీవించ‌వ‌చ్చు.
