Aloo Methi Masala Curry : ఆలూ మేతి మసాలా కర్రీ.. బంగాళాదుంప‌లు, మెంతికూర క‌లిపి చేసే ఈ కర్రీ చాలా రుచిగా ఉంటుంది. దేనితో తిన‌డానికైనా ఇది చాలా చ‌క్క‌గా ఉంటుంది. దీనిని త‌యారు చేసుకోవ‌డం కూడా చాలా సుల‌భం. వంట‌రాని వారు, బ్యాచిల‌ర్స్ కూడా ఈ క‌ర్రీని సుల‌భంగా త‌యారు చేసుకోవ‌చ్చు. ఒక్క‌సారి ఈ క‌ర్రీని రుచిచూస్తే మ‌ళ్లీ మ‌ళ్లీ ఇదే కావాలంటారు. ఎంతో రుచిగా ఉండే ఈ ఆలూ మేతి మసాలా క‌ర్రీని ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
ఆలూ మేతి మసాలా కర్రీ త‌యారీకి కావ‌ల్సిన ప‌దార్థాలు..
చిన్న‌గా త‌రిగిన మెంతికూర – పావుకిలో, త‌రిగిన బంగాళాదుంప‌లు – 2( చిన్న‌వి), నూనె – 2 టేబుల్ స్పూన్స్, జీల‌క‌ర్ర – అర టీ స్పూన్, దాల్చిన చెక్క – ఒక చిన్న ముక్క, ల‌వంగాలు – 3, యాల‌కులు – 2, బిర్యానీ ఆకులు – 2, చిన్న‌గా త‌రిగిన ఉల్లిపాయ – 1, త‌రిగిన ప‌చ్చిమిర్చి – 3, అల్లం వెల్లుల్లి పేస్ట్ – ఒక టీ స్పూన్, ట‌మాట – 1, పసుపు – పావు టీ స్పూన్, ఉప్పు – త‌గినంత, కారం – 2 టీ స్పూన్స్, ధ‌నియాల పొడి – ఒక టీ స్పూన్, గ‌రం మసాలా – అర టీ స్పూన్, ఫ్రెష్ క్రీమ్ – పావు క‌ప్పు, నీళ్లు – అర క‌ప్పు.
ఆలూ మేతి మసాలా కర్రీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత జీల‌క‌ర్ర, మసాలా దినుసులు వేసి వేయించాలి. త‌రువాత ఉల్లిపాయ, ప‌చ్చిమిర్చి వేసి వేయించాలి. ఇవి వేగిన త‌రువాత అల్లం వెల్లుల్లి పేస్ట్ వేసి వేయించాలి. త‌రువాత ట‌మాట‌ను ఫ్యూరీలాగా చేసి వేసుకోవాలి. దీనిని కొద్దిగా వేయించిన త‌రువాత బంగాళాదుంప ముక్క‌లు వేసి క‌ల‌పాలి. త‌రువాత మూత పెట్టి మ‌ధ్య‌మ‌ధ్య‌లో క‌లుపుతూ ముక్క‌లు మెత్త‌గా అయ్యే వ‌ర‌కు ఉడికించాలి. బంగాళాదుంప ముక్క‌లు ఉడికిన త‌రువాత ఉప్పు, కారం, ధ‌నియాల పొడి, పసుపు, గ‌రం మసాలా వేసి క‌ల‌పాలి. త‌రువాత మెంతికూర వేసి మూత పెట్టి 3 నిమిషాల పాటు మ‌గ్గించాలి. త‌రువాత ఫ్రెష్ క్రీమ్ వేసి క‌ల‌పాలి. త‌రువాత నీళ్లు పోసి క‌లిపి మూత పెట్టి నూనె పైకి తేలే వ‌ర‌కు ఉడికించి స్టవ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే ఆలూ మేతి మసాలా కర్రీ త‌యార‌వుతుంది. దీనిని చ‌పాతీ, రోటీ, నాన్ వంటి వాటితో తింటే చాలా రుచిగా ఉంటుంది. దీనిని తీసుకోవ‌డం వల్ల మ‌నం రుచితో పాటు ఆరోగ్యాన్ని కూడా పొంద‌వ‌చ్చు.
