Heart Friendly Foods : మారిన జీవ‌న విధానం కార‌ణంగా త‌లెత్తే అనారోగ్య స‌మ‌స్య‌ల్లో అధిక రక్తపోటు కూడా ఒక‌టి. వ‌య‌సుతో సంబంధం లేకుండా అంద‌రూ ఈ సమస్య బారిన ప‌డుతున్నార‌ని చెప్ప‌వ‌చ్చు. ఒత్తిడి, ఆందోళ‌న, మారిన మ‌న ఆహార‌పు అల‌వాట్లు, ఉప్పును ఎక్కువ‌గా తీసుకోవ‌డం, జంక్ ఫుడ్ ను ఎక్కువ‌గా తీసుకోవ‌డం, నిల్వ ప‌చ్చ‌ళ్ల‌ను తిన‌డం వంటి వివిధ కార‌ణాల చేత అధిక రక్తపోటు సమస్య త‌లెత్తుతుంది. అధిక రక్తపోటు స‌మ‌స్య‌ను ఏమాత్రం కూడా తేలిక‌గా తీసుకోకూడ‌దు. అధిక రక్తపోటు సమస్య సైలెంట్ కిల్ల‌ర్ వ‌లె మ‌న శ‌రీర ఆరోగ్యాన్ని పూర్తిగా దెబ్బ‌తీస్తుంది. దీని వల్ల బ్రెయిన్ స్ట్రోక్, గుండె సంబంధిత స‌మ‌స్య‌లు, మూత్ర‌పిండాల‌కు సంబంధించిన స‌మ‌స్య‌లు ఇలా అనేక ర‌కాల స‌మ‌స్య‌లు మ‌న‌ల్ని చుట్టుముడ‌తాయి.
అధిక రక్తపోటు కార‌ణంగా కొన్ని సందర్భాల్లో ప్రాణాల‌ను కూడా కోల్పోవాల్సిన ప‌రిస్థితి నెల‌కొంటుంది. క‌నుక ఈ సమస్య బారిన ప‌డిన వెంట‌నే వైద్యున్ని సంప్ర‌దించి త‌గిన చికిత్స తీసుకోవ‌డం మంచిది. మందులు వాడుతూనే అధిక ర‌క్త‌పోటును అదుపులో ఉంచే ఆహారాల‌ను కూడా తీసుకోవాలి. దీని వల్ల రక్తపోటు క్ర‌మంగా త‌గ్గుతుంది. అలాగే లేని వారికి ఈ సమస్య రాకుండా ఉంటుంది. అధిక ర‌క్త‌పోటును త‌గ్గించే ఆహారాల గురించి ఇప్పుడు తెలుసుకుందాం. అధిక ర‌క్త‌పోటుతో బాధ‌ప‌డే వారు ఆకుకూర‌ల‌ను ఎక్కువ‌గా తీసుకోవాలి. వీటిలో పొటాషియం ఎక్కువ‌గా ఉంటుంది. ఆకుకూర‌ల‌ను తీసుకోవ‌డం వల్ల శ‌రీరంలో సోడియం స్థాయిలు అదుపులో ఉంటాయి. స్మూతీ రూపంలో లేదా స‌లాడ్ రూపంలో వీటిని తీసుకోవ‌డం వల్ల మంచి ఫ‌లితం ఉంటుంది. అలాగే యాంటీ ఆక్సిడెంట్లు ఎక్కువ‌గా ఉండే బ్లూబెర్రీ, స్ట్రాబెర్రీ, రాస్ బెర్రీ వంటి పండ్ల‌ను తీసుకోవాలి.
ఇవి ర‌క్త‌నాళాల ఆరోగ్యాన్ని మెరుగుప‌ర‌చ‌డంలో దోహ‌ద‌ప‌డ‌తాయి. అలాగే ర‌క్త‌పోటుతో బాధ‌ప‌డే వారు ఓట్స్ ను ఎక్కువ‌గా తీసుకోవాలి. ఓట్స్ ను తీసుకోవ‌డం వల్ల గుండె ఆరోగ్యం మెరుగుపడుతుంది. అలాగే అర‌టి పండ్ల‌ను కూడా ఎక్కువ‌గా తీసుకునే ప్ర‌య‌త్నం చేయాలి. అధిక ర‌క్త‌పోటుతో బాధ‌ప‌డే వారు రోజుకు ఒక అర‌టి పండును తీసుకోవాలి. ఇలా తీసుకోవ‌డం వల్ల దీనిలో ఉండే పొటాషియం ర‌క్త‌పోటును త‌గ్గించ‌డంలో దోహ‌ద‌ప‌డుతుంది. అదే విధంగా వారానికి రెండు సార్లు చేప‌ల‌ను తీసుకునే ప్ర‌య‌త్నం చేయాలి. చేప‌ల‌ను తీసుకోవ‌డం వల్ల రక్తపోటు త‌గ్గుతుంది. అలాగే ఆహారంలో భాగంగా వెల్లుల్లిని తీసుకోవాలి. దీనిలో ఉండే అల్లిసిన్ అనే ర‌సాయ‌న స‌మ్మేళ‌నం ర‌క్త‌పోటును త‌గ్గించ‌డంలో స‌హాయ‌ప‌డుతుంది. ఇక బీట్ రూట్ ను తీసుకోవ‌డం వల్ల కూడా మంచి ఫ‌లితం ఉంటుంది. దీనిలో అధికంగా ఉండే నైట్రేట్స్ ర‌క్తనాళాలు వ్యాకోచించేలా చేయ‌డంలో దోహ‌ద‌ప‌డ‌తాయి.
అలాగే కొవ్వు త‌క్కువ‌గా ఉండే పాల‌ను తీసుకోవాలి. పాలల్లో ఉండే క్యాల్షియం, విట‌మిన్ డి వంటి పోష‌కాలు ర‌క్త‌పోటును త‌గ్గించ‌డంలో తోడ్ప‌డ‌తాయి. అలాగే ఆహారంలో భాగంగా బాదంప‌ప్పు, పొద్దుతిరుగుడు ప‌ప్పు, గుమ్మ‌డి విత్తనాలు వంటి వాటిని తీసుకోవాలి. వీటిని తీసుకోవ‌డం వల్ల కూడా రక్తపోటు అదుపులో ఉంటుంది. అలాగే డార్క్ చాక్లెట్ ను ఎక్కువ‌గా తీసుకునే తీసుకోవాలి. 70 శాతం కోకోవా ఉండే డార్క్ చాక్లెట్ ల‌ను తీసుకోవ‌డం వల్ల ర‌క్త‌నాళాల ఆరోగ్యం మెరుగుపడుతుంది. రక్తపోటు అదుపులో ఉంటుంది. ఈ విధంగా ఈ ఆహారాల‌ను తీసుకోవ‌డం వల్ల అధిక రక్తపోటు సమస్య నుండి చాలా సుల‌భంగా బ‌య‌ట‌ప‌డ‌వ‌చ్చు. అలాగే భ‌విష్య‌త్తులో కూడా ఈ సమస్య రాకుండా ఉంటుంది.
