Lotus Seeds : ఫూల్ మ‌ఖానా.. వీటితో తామర గింజ‌లు అని కూడా పిలుస్తూ ఉంటారు. తామర గింజ‌ల‌ను వేయించి వీటిని త‌యారు చేస్తారు. మ‌న‌లో చాలా మంది వీటిని చూసే ఉంటారు. తెల్ల‌గా, గుండ్రంగా ఉండే ఈ ఫూల్ మ‌ఖానా మ‌న ఆరోగ్యానికి ఎంతో మేలు చేస్తుంది. వీటిలో మ‌న శ‌రీరానికి అవ‌స‌ర‌మ‌య్యే అనేక ర‌కాల పోష‌కాలు ఉంటాయి. వీటిని తీసుకోవ‌డం వ‌ల్ల మ‌నం ఎన్నో ఆరోగ్య ప్ర‌యోజ‌నాల‌ను పొంద‌వ‌చ్చు. ఈ ఫూల్ మ‌ఖానాతో వివిధ ర‌కాల కూర‌ల‌ను, చిరుతిళ్ల‌ను, తీపి వంట‌కాల‌ను త‌యారు చేస్తూ ఉంటారు. ఈ ఫూల్ మఖానాను తీసుకోవ‌డం వ‌ల్ల మ‌న‌కు క‌లిగే ప్ర‌యోజ‌నాలు ఏమిటి.. అలాగే వీటిని తీసుకోవ‌డం వ‌ల్ల మ‌న శ‌రీరానికి అందే పోష‌కాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
పూల్ మఖానాలో ప్రోటీన్ ఎక్కువ‌గా ఉంటుంది. అలాగే వీటిలో ఫైబ‌ర్ ఎక్కువ‌గా ఉంటుంది. వీటిని తీసుకోవ‌డం వ‌ల్ల కడుపు నిండిన భావ‌న క‌లుగుతుంది. చాలా స‌మ‌యం వ‌ర‌కు ఆక‌లి వేయ‌కుండా ఉంటుంది. అలాగే వీటిలో క్యాల‌రీలు త‌క్కువ‌గా ఉంటాయి. ఫూల్ మఖానాను తీసుకోవ‌డం వ‌ల్ల మ‌నం సుల‌భంగా బ‌రువు త‌గ్గ‌వ‌చ్చు. అలాగే ఫూల్ మఖానాను తీసుకోవ‌డం వ‌ల్ల న‌రాల ప‌నితీరు మెరుగుప‌డుతుంది. ర‌క్త‌పోటు అదుపులో ఉంటుంది. వీటిలో ఉండే మెగ్నీషియం న‌రాల ప‌నితీరును మెరుగుప‌ర‌చ‌డంలో దోహ‌ద‌ప‌డుతుంది. వీటిని తీసుకోవ‌డం వ‌ల్ల ర‌క్తంలో చ‌క్కెర స్థాయిలు అదుపులో ఉంటాయి. ఇవి త‌క్కువ గ్లైసెమిక్ ఇండెక్స్ ను క‌లిగి ఉంటాయి. షుగ‌ర్ వ్యాధితో బాధ‌ప‌డే వారు ఫూల్ మఖానాను తీసుకోవ‌డం వ‌ల్ల మంచి ఫ‌లితం ఉంటుంది.
అలాగే ఎముకల‌ను, దంతాల‌ను ధృడంగా ఉంచ‌డంలో కూడా ఫూల్ మ‌ఖానా మ‌న‌కు స‌హాయ‌ప‌డుతుంది. ఫూల్ మఖానాలో యాంటీ ఇన్ ప్లామేట‌రీ ల‌క్ష‌ణాలు కూడా పుష్క‌లంగా ఉన్నాయి. వీటిని తీసుకోవ‌డం వ‌ల్ల కీళ్ల నొప్పులు, వాపులు వంటివి త‌గ్గుతాయి. అలాగే గ‌ర్భిణీ స్త్రీలు వీటిని తీసుకోవ‌డం వ‌ల్లర‌క్త‌హీన‌త స‌మ‌స్య రాకుండా ఉంటుంది. జీర్ణ స‌మ‌స్య‌లు కూడా త‌గ్గుతాయి. ఈ విధంగా ఫూల్ మ‌ఖానా మ‌న ఆరోగ్యానికి ఎంతో మేలు చేస్తాయ‌ని నిపుణులు చెబుతున్నారు. అయితే అల‌ర్జీలు, గ్యాస్ ట్ర‌బుల్, కడుపు ఉబ్బ‌రం వంటి స‌మ‌స్య‌లు ఉన్న వారు వీటిని తీసుకునే విష‌యంలో జాగ్ర‌త్త‌గా ఉండాల‌ని నిపుణులు చెబుతున్నారు.
