వక్షోజాలు సాగి కిందకు వాలినట్లు మీ ఫొటోలు చూపుతున్నాయా? అవి ఎంత టైట్ బ్రాసరీలు వేసినా అవుట్ ఆఫ్ షేప్ అయిపోయాయనుకుంటున్నారా? మార్గం మేం చెపుతాం! మీ స్తన సౌందర్యాన్ని ఆకర్షణీయంగా వుంచుకోవాలంటే మరోమారు వ్యాయామాలతో రీ ఛార్జ్ చేయాల్సిందే! బిగువైన స్తన సౌందర్యానికి చిన్నపాటి వ్యాయామాలెలా చేయాలో చూడండి! బ్రెస్ట్ బిగువుగా వుండాలంటే బ్రాండెడ్ బ్రా లు చాలవు. టీనేజ్ పిల్లలకు ఏ దుస్తులు వేసినా బిగువే. కాని వయసు పైబడిందంటే, పిల్లలకు పాలిస్తే, గర్భవతులుగా శారీరక మార్పులొచ్చేస్తే…తేడా వచ్చేస్తుంది. షేపు మారుతుంది. కొద్దిపాటి వింత సంతరించుకుంటుంది.
వ్యాయామాలు చేస్తే మహిళకు షేప్ రావటమే కాదు బిగువైన దుస్తులతో ఎంతో సౌకర్యంగా శ్వాస ఆడుతుంది. పెక్ ఫ్లై మెషీన్ వాడకం – పెక్ ఫ్లై మెషీన్లకు మరింత బరువు పెట్టడం మరి కొద్ది సేపు అంటే 10 నుండి 15 సెకండ్లు అదనంగా వ్యాయామం చేయటం మంచి ఫలితాన్నిస్తుంది. స్తనాల బిగువుకు పెక్ ఫ్లై మెషీన్లు బాగా పని చేస్తాయి. ఎంత వేగంగా చేస్తే అంత బాగా శరీరం మంచి రూపాన్ని సంతరించుకుంటుంది. స్టాబిలిటీ బాల్ – శరీరాన్ని స్టాబిలిటీ బాల్ పై పడుకోబెట్టండి. కాళ్ళు మాత్రం నేలపై విస్తారంగా వుంచండి. శరీరాన్ని రిలాక్స్ చేయండి. మరల ఇదే వ్యాయామాన్ని రిపీట్ చేయండి. శరీర పై భాగం బిగువుగా తయారవ్వాలంటే స్టాబిలిటీ బాల్ బాగా పనిచేస్తుంది.
డంబ్ బెల్ వ్యాయామం – డంబ్ బెల్స్ రెండు చేతులతో పట్టుకోండి. వాటిని ఛాతీ వైపు వంచుతూండండి. ఛాతీ భాగంలో వున్న అదనపు కొవ్వు కరిగిపోతుంది. పుష్ అప్ వ్యాయామాలు- ఛాతీ సంబంధిత వ్యాయామాలైన పుష్ అప్ లు శరీర పై భాగ బిగువుకు బాగా పని చేస్తాయి. గోడలపైనా లేదా నేలపైనా ఈ పుష్ అప్ వ్యాయామాలు చేయవచ్చు. ఛాతీ కి ఒత్తిడి కలిగించండి- డంబ్ బెల్స్ వంటివి ఉపయోగించి ఛాతీపై ఒత్తిడి చేయవచ్చు. కండరాలు బలపడతాయి. వీపు నేలకానించి చేతులతో డంబ్ బెల్స్ ను పైకి కిందకు ఎత్తుతుంటే, చేతులు, భుజాలు, మోచేతులు, వక్షోజాలలో వున్న కొవ్వు కరిగి శరీరం మంచి ఆకారం సంతరించుకుంటుంది.
ఈ స్తన సౌందర్య వ్యాయామాలు చాలా సులభం. పెక్ ప్లై మెషీన్ వాడకం మాత్రమే వ్యయంతో కూడుకున్నది. వ్యాయామాల ద్వారా స్తనాలలో వచ్చే బిగువు మహిళలకు ఏ దుస్తులు వాడినా సరే ఆకర్షణీయంగాను, సౌకర్యవంతంగాను వుంటుంది. వక్షాలు బిగువుగాను, ధృఢంగాను వుంటే….మరోమారు వయస్సు చిన్నదైనట్లే!
