ఈ రోజుల్లో ప్రతి ఒక్కరూ అధిక బరువు వల్ల ఇబ్బందులు పడుతున్నారు. బరువు పెరగడం వెనుక ఉన్న ఒక పెద్ద కారణం.. అస్త‌వ్య‌స్త‌మైన జీవనశైలి. తినడానికి లేదా నిద్రించడానికి షెడ్యూల్ లేకపోతే అది మీ ఆరోగ్యాన్ని నేరుగా ప్రభావితం చేస్తుంది. అటువంటి జీవనశైలితో క్రమంగా బరువు పెరుగుతారు.
మీరు మీ ఆహారం మీద శ్రద్ధ వహిస్తే మీ బరువును చాలా వరకు త‌గ్గించుకోవచ్చు. ఈక్ర‌మంలోనే ఓ అద్భుత‌మైన ఆహారం గురించి మీకు తెలియ‌జేయ‌డం జ‌రుగుతోంది. దీన్ని త‌యారు చేసుకుని రోజూ తింటుంటే అధిక బరువు త్వ‌ర‌గా త‌గ్గుతారు.
బరువు తగ్గడానికి ఆహారంలో మిక్స్‌డ్ వెజిటబుల్ సలాడ్ను చేర్చుకోవాలి. కూర‌గాయ‌ల‌ను పచ్చిగా తినడం కొంద‌రికి న‌చ్చ‌దు. అలాంటి వారు ఈ సలాడ్ను తిన‌వ‌చ్చు. ఇందులో కూర‌గాయ‌ల‌ను ఉడికించాల్సి ఉంటుంది. క‌నుక భేషుగ్గా తిన‌వ‌చ్చు.
1 టీస్పూన్ ఆలివ్ ఆయిల్, 3 బేబీ కార్న్, 1-2 టమోటాలు, 1 గ్రీన్ క్యాప్సికమ్, 1 పసుపు క్యాప్సికమ్, 2 తరిగిన క్యారెట్లు, 8-10 ఆకుపచ్చ బీన్స్, 1 బ్రోకలీ.. ల‌ను తీసుకోవాలి.
మొదట బ్రోకలీని వేడి నీటిలో కొంత సమయం ఉడకబెట్టాలి. ఇది బ్రోకలీని మృదువుగా చేస్తుంది. ఇప్పుడు మిగతా కూరగాయలన్నీ క‌ట్ చేసుకోవాలి. బాణలిలో ఆలివ్ ఆయిల్ ను వేయాలి. ఇతర నూనె లేదా వెన్నను కూడా ఉపయోగించవచ్చు. అందులో బేబీ కార్న్, అన్ని తరిగిన కూరగాయల ముక్క‌ల‌ను వేయాలి. త‌రువాత కొంచెం నీరు వేసి సలాడ్ ను తక్కువ మంట మీద ఉడికించాలి. మీరు ఈ సలాడ్ను 5 నిమిషాలు మాత్రమే ఉడికించాలి. రుచికి అనుగుణంగా ఉప్పు, నల్ల మిరియాల పొడి వేసుకోవాలి. దీంతో సలాడ్ రెడీ అయిన‌ట్లే.
1. పేరులోనే మిక్స్‌డ్ వెజిటబుల్ అంటున్నాం.. క‌నుక అన్ని కూర‌గాయ‌ల్లోని పోష‌కాలు మ‌న‌కు ల‌భిస్తాయి. దీంతో ఆరోగ్యంగా ఉండ‌వ‌చ్చు.
2. ఈ సలాడ్ పొట్ట‌ను నిండుగా ఉంచుతుంది. ఈ కారణంగా అపానవాయువు, ఉబ్బరం సమస్యలు ఉండ‌వు.
3. ఈ సలాడ్ ను తినడం వల్ల అధిక బరువు త‌గ్గుతారు. మ‌ల‌బద్ధకం ఉండదు. ఇది మీకు చాలా శక్తిని ఇస్తుంది.
4. ఈ సలాడ్ ను తినడం వల్ల ఫైబర్ పుష్కలంగా లభిస్తుంది. ఇది శరీరాన్ని హైడ్రేటెడ్‌ గా ఉంచుతుంది. బరువును తగ్గించడంలో సహాయపడుతుంది.
5. ప్రతి రోజూ ఈ సలాడ్ ను తినడం ద్వారా జీర్ణక్రియ మెరుగు ప‌డుతుంది.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
