Dandruff : చుండ్రు సమస్య అనేది సహజంగానే చాలా మందికి ఉంటుంది. ఇందుకు అనేక కారణాలు ఉంటాయి. అయితే కింద తెలిపిన చిట్కాను పాటిస్తే చుండ్రు సమస్య నుంచి విజయవంతంగా బయట పడవచ్చు. మరి అందుకు ఏం చేయాలంటే..
100 గ్రాముల ఉల్లిపాయలను తీసుకుని చిన్న ముక్కలుగా కట్‌ చేయాలి. ఒక లీటర్‌ కొబ్బరినూనె తీసుకుని పాత్రలో పోసి అందులో ఉల్లిపాయ ముక్కలు వేసి ఫ్రై చేయాలి. ఉల్లిపాయ ముక్కలు నలుపు రంగులోకి మారుతాయి. తరువాత నూనెపై తేలుతుంటాయి. దీంతో స్టవ్‌ను ఆఫ్‌ చేయాలి.
తరువాత ఆ మిశ్రమాన్ని చల్లబరిచి వడకట్టాలి. అనంతరం వచ్చే నూనెను ఒక సీసాలో నిల్వ చేయాలి. ఆ నూనెను శిరోజాలకు రాసి సున్నితంగా మర్దనా చేయాలి. జుట్టు కుదుళ్లకు తగిలేలా బాగా మర్దనా చేయాలి. అనంతరం ఒక గంట ఆగి తలస్నానం చేయాలి.
ఇలా వారంలో మూడు సార్లు చేయాలి. క్రమం తప్పకుండా ఇలా చేస్తుంటే జుట్టు సమస్యలన్నీ తగ్గిపోతాయి. ముఖ్యంగా చుండ్రు ఉండదు. శిరోజాలు దృఢంగా, ఒత్తుగా పెరుగుతాయి.
ఉల్లిపాయల్లో జుట్టుకు మేలు చేసే అనేక ఔషధ గుణాలు, పోషకాలు ఉంటాయి. అందువల్ల అనేక జుట్టు సమస్యల నుంచి బయట పడవచ్చు.
