Cardamom Water : యాలకులను భారతీయులు ఎంతో పురాతన కాలం నుంచి ఉపయోగిస్తున్నారు. వీటిని ఎక్కువగా తీపి వంటకాల్లో వేస్తుంటారు. యాలకులు చక్కని రుచిని, వాసనను అందిస్తాయి. అయితే యాలకులను కొన్ని తీసుకుని నీటిలో వేసి మరిగించి ఆ నీటిని రోజూ ఉదయాన్నే పరగడుపునే ఒక గ్లాస్‌ మోతాదులో తాగడం వల్ల ఎలాంటి లాభాలు కలుగుతాయో ఇప్పుడు తెలుసుకుందాం.
షుగర్ సమస్యతో బాధపడుతున్న వారికి యాలకుల నీళ్లు అద్భుతంగా పనిచేస్తాయి. రోజూ పరగడుపునే ఈ నీళ్లను తాగడం వల్ల షుగర్ లెవల్స్ తగ్గుతాయి. డయాబెటిస్‌ అదుపులో ఉంటుంది.
జీర్ణ సమస్యలు ఉన్నవారు కూడా రోజూ యాలకుల నీళ్లను తాగుతుండాలి. దీని వల్ల మలబద్దకం తగ్గుతుంది. గ్యాస్‌, అసిడిటీ నుంచి ఉపశమనం లభిస్తుంది. జీర్ణక్రియ మెరుగు పడుతుంది. పేగుల్లో ఉండే వ్యర్థాలు బయటకు పోతాయి.
అధిక బరువు ఉన్నవారు యాలకుల నీళ్లను రోజూ తాగితే బరువు తగ్గుతారు. శరీరంలో, పొట్ట దగ్గర ఉండే కొవ్వు కరుగుతుంది.
కొలెస్ట్రాల్‌ స్థాయిలు అధికంగా ఉన్నవారు యాలకుల నీళ్లను తాగితే కొలెస్ట్రాల్‌ లెవల్స్ తగ్గుతాయి. దీంతో గుండె ఆరోగ్యంగా ఉంటుంది. హార్ట్‌ ఎటాక్‌లు రాకుండా చూసుకోవచ్చు.
