Bangarraju : అక్కినేని నాగార్జున, నాగచైతన్య నటించిన సూప‌ర్ హిట్ చిత్రం బంగార్రాజు. ఈ మూవీ సంక్రాంతి కానుక‌గా ప్రేక్ష‌కుల ముందుకు వ‌చ్చింది. గతంలో నాగార్జున నటించిన సొగ్గాడే చిన్నినాయన సినిమాకు సీక్వెల్‌గా వచ్చిన బంగార్రాజు చిత్రం వినోదం, యాక్షన్, డ్రామా, ఎమోషన్స్‌తో ప్రేక్షకులను ఆలరించింది. థియేట్రికల్ రన్ పూర్తి చేసుకొన్న ఈ చిత్రం ఇప్పుడు ఓటీటీ ప్రేక్షకులను ఆలరించేందుకు సిద్ధమైంది. జీ5 ఓటీటీ బంగార్రాజు సినిమాను ఓటీటీలో విడుదల చేయడానికి సిద్ధమైంది. ఈ రోజు అర్ధ‌రాత్రి నుండి ఈ చిత్రం ఓటీటీలో సంద‌డి చేయ‌నుంది. థియేట‌ర్‌లో సినిమా చూడ‌ని వారు ఓటీటీలో సినిమా చూసి ఫుల్‌గా ఎంజాయ్ చేయవ‌చ్చు.
బంగార్రాజు సినిమా 2022లో మన దేశంలో ఫస్ట్ హిట్ అందుకున్న సినిమాగా సినిమా రికార్డులకు ఎక్కింది. కరోనా థర్ట్ వేవ్‌లో కూడా ఈ సినిమా బ్రేక్ ఈవెన్ కలెక్షన్స్ సాధించి ఔరా అనిపించింది. నాగార్జున గత సినిమాలతో పోలిస్తే.. ఈ సినిమాకు బజ్ తోడవడంతో పాటు ఇక సంక్రాంతికి రావాల్సిన పెద్ద సినిమాలు పోస్ట్ పోన్ కావడంతో ‘బంగార్రాజు’ చిత్రానికి బాగానే కలిసొచ్చింది. ఇక 6 యేళ్ల క్రితం విడుదలైన ‘సోగ్గాడే చిన్ని నాయనా’ మూవీకి సీక్వెల్‌గా ‘బంగార్రాజు’ మూవీ పై మంచి అంచనాలు ఏర్పడ్డాయి. దానికి తగ్గట్టే స్టోరీ కూడా బాగుండటంతో ఈ సినిమా పంట పండింది.
బంగార్రాజు చిత్రం బాక్సాఫీస్ వద్ద కూడా తడాఖాను చూపించింది. బంగార్రాజు చిత్రం 38 కోట్ల ప్రీ రిలీజ్ బిజినెస్ చేసింది. 39 కోట్ల రూపాయల బ్రేక్ ఈవెన్ లక్ష్యంతో సంక్రాంతి బరిలో దిగింది. తెలుగు రాష్ట్రాల్లో ఈ చిత్రం 35.42 కోట్లు షేర్, 58 కోట్ల గ్రాస్ వసూళ్లను సాధించింది. ఇక ప్రపంచవ్యాప్తంగా 38.77 కోట్ల షేర్, 65.25 గ్రాస్ వసూళ్లను సాధించింది. కరోనావైరస్ పరిస్థితుల కారణంగా చాలా మంది ప్రేక్షకులు ఈ చిత్రాన్ని వీక్షించలేకపోయారు. ఇక ఇప్పుడు ఓటీటీలోకి వ‌స్తున్న నేప‌థ్యంలో చ‌క్క‌గా సినిమాని ఇంట్లోని కూర్చొని వీక్షించొచ్చు.
