Butter Naan : మ‌న‌కు రెస్టారెంట్ ల‌లో ల‌బించే ఆహార ప‌దార్థాల్లో బ‌ట‌ర్ నాన్ ఒక‌టి. దీనిని వెజ్, నాన్ వెజ్ మ‌సాలా కూర‌ల‌తో క‌లిపి తింటూ ఉంటాం. ఈ బ‌ట‌ర్ నాన్ ను త‌యారు చేయ‌డానికి తందూర్ అవ‌స‌ర‌మ‌వుతుంది. క‌నుక దీనిని ఇంట్లో చేసుకోలేము అని భావిస్తూ ఉంటారు. తందూర్ లేక‌పోయిన కూడా చాలా సుల‌భంగా అచ్చం రెస్టారెంట్ ల‌లో ల‌భించే విధంగా ఉండే బ‌ట‌ర్ నాన్ మ‌నం ఇంట్లో త‌యారు చేసుకోవ‌చ్చు. ఇంట్లో బ‌ట‌ర్ నాన్ ను ఏ విధంగా త‌యారు చేసుకోవాలో ఇప్పుడు తెలుసుకుందాం.
బ‌ట‌ర్ నాన్ త‌యారీకి కావ‌ల్సిన ప‌దార్థాలు..
మైదా పిండి – ఒక‌టిన్న‌ర క‌ప్పు, పెరుగు – పావు క‌ప్పు, బేకింగ్ సోడా – అర టీ స్పూన్, ఉప్పు – అర టీ స్పూన్, క‌రిగించిన బ‌ట‌ర్ – కొద్దిగా.
బ‌ట‌ర్ నాన్ త‌యారీ విధానం..
ముందుగా ఒక గిన్నెలో మైదాపిండిని తీసుకోవాలి. త‌రువాత దానిలో పెరుగు, ఉప్పు, బేకింగ్ సోడా వేసి క‌లుపుకోవాలి. త‌రువాత కొద్దిగా నీటిని పోసి చ‌పాతీ పిండి కంటే కొద్దిగా మెత్త‌గా క‌లుపుకోవాలి. త‌రువాత నూనె వేసి మ‌రో 5 నిమిషాల పాటు బాగా క‌లుపుకోవాలి. త‌రువాత ఈ పిండిని కావ‌ల్సిన ప‌రిమాణంలో ముద్ద‌లుగా చేసుకోవాలి. త‌రువాత ఒక్కో ముద్ద‌కు కొద్దిగా పొడి పిండిని, నూనె పైన రాస్తూ ఒక ప్లేట్ లోకి తీసుకోవాలి. ఇలా అన్నింటిని ప్లేట్ లోకి తీసుకున్న త‌రువాత వాటిపై త‌డిపిన వ‌స్త్రాన్ని ఉంచి 30 నిమిషాల పాటు క‌దిలించ‌కుండా ఉంచాలి. త‌రువాత ఒక్కో ముద్ద‌ను తీసుకుని పొడి చ‌ల్లుకుంటూ చేత్తో కొద్దిగా చ‌పాతీ ఆకారం వ‌చ్చేలా వత్తుకోవాలి. త‌రువాత దానిని చేత్తులోకి తీసుకుని ఒక చేతి నుండి మ‌రో చేతులోకి తీసుకుంటూ త‌డుతూ ఉంటే నాన్ సాగుతుంది. ఇప్పుడు నాన్ ఆకారం రావ‌డానికి ఒక మూల‌ను ప‌ట్టుకుని కొద్దిగా సాగ‌దీయాలి. ఇలా చేతులతో చేసుకోవ‌డం రాని వారు చ‌పాతీ క‌ర్ర‌తో కూడా చేసుకోవ‌చ్చు.
ఇలా త‌యారు చేసుకున్న నాన్ కు ఒక‌వైపు త‌డి చేసుకోవాలి. త‌డి చేయ‌డం వ‌ల్ల నాన్ పెనానికి చ‌క్క‌గా అత్తుకుంటుంది. ఇలా త‌డి చేసుకున్న వైపు కిందికి వ‌చ్చేలా జాగ్ర‌త్త‌గా వేడి పెనం పై వేయాలి. దీనిని 2 నిమిషాల పాటు చిన్న మంట‌పై కాల్చుకోవాలి. త‌రువాత మంట‌ను పెద్ద‌గా చేసి నేరుగా పెన్నాన్ని తిప్పి నాన్ ను కాల్చుకోవాలి. పెన్నాన్ని అటూ ఇటూ తిప్పుతూ నాన్ అన్ని వైపులా కాలేల చూసుకోవాలి. నాన్ కాలిన త‌రువాత జాగ్ర‌త్త‌గా పెనం నుండి వేరు చేయాలి. వేడిగా ఉన్న‌ప్పుడే నాన్ కు బ‌ట‌ర్ ను రాయాలి. ఇలా చేచ‌డం వ‌ల్ల రెస్టారెంట్ ల‌లో ల‌భించే విధంగా ఉండే బ‌ట‌ర్ నాన్ త‌యారవుతుంది. ఈ విధంగా చేసిన బ‌ట‌ర్ నాన్ చాలా మెత్త‌గా, రుచిగా ఉంటుంది. ఈ బ‌ట‌ర్ నాన్ ను మ‌సాలా కూర‌ల‌తో క‌లిపి తింటే చాలా రుచిగా ఉంటుంది. తందూర్ లేక‌పోయినా కూడా ఈ విధంగా సుల‌భంగా నాన్ ను త‌యారు చేసుకోవ‌చ్చు.
