Kalyaan Dhev : గుట్టు చ‌ప్పుడు కాకుండా ఓటీటీలోకి వ‌చ్చేసిన చిరంజీవి చిన్న‌ల్లుడి సినిమా..!

Kalyaan Dhev : మెగాస్టార్ చిరంజీవి చిన్న‌ల్లుడు క‌ల్యాణ్ దేవ్ సినిమాల‌తోనూ బిజీగా ఉన్న విష‌యం విదిత‌మే. అయితే క‌ల్యాణ్ దేవ్ చివ‌రిసారిగా న‌టించిన చిత్రం.. సూప‌ర్ మ‌చ్చి.. ఇటీవ‌లే సంక్రాంతి పండుగ సంద‌ర్భంగా థియేట‌ర్ల‌లో విడుద‌లైంది. అయితే ఈ సినిమా రిలీజ్ అయిన‌ట్లే చాలా మందికి తెలియ‌దు. దీంతో సినిమా భాష‌లో చెప్పాలంటే.. ఈ మూవీ వాష్ అవుట్ అయింద‌నే చెప్ప‌వ‌చ్చు. అయితే ఈ సినిమా తాజాగా గుట్టు చ‌ప్పుడు కాకుండా ఓటీటీలోకి వ‌చ్చేసింది. అమెజాన్ ప్రైమ్‌లో ప్ర‌స్తుతం ఈ మూవీ స్ట్రీమ్ అవుతోంది.

సూప‌ర్ మ‌చ్చి సినిమాను యాక్షన్ డ్రామా నేప‌థ్యంలో తెర‌కెక్కించారు. ఇందులో క‌ల్యాణ్ దేవ్‌, రచిత రామ్‌లు హీరో హీరోయిన్లుగా న‌టించారు. పులి వాసు ద‌ర్శ‌క‌త్వం వ‌హించారు. అయితే ఈ మూవీ విడుద‌ల స‌మ‌యంలో క‌ల్యాణ్ దేవ్ చిత్ర ప్ర‌మోష‌న్స్ లో కూడా పాల్గొన‌లేదు. ఈయ‌న త‌న వ్య‌క్తిగ‌త కార‌ణాల వ‌ల్లే సినిమా ప్ర‌మోష‌న్స్‌లో పాల్గొన‌లేద‌ని అప్ప‌ట్లో అన్నారు.

ఇక ఈ సినిమా క‌థ విష‌యానికి వ‌స్తే.. రాజు (క‌ల్యాణ్ దేవ్‌) ఒక చిన్న బార్‌లో సింగ‌ర్‌గా ప‌నిచేస్తుంటాడు. మీనాక్షి (ర‌చిత రామ్‌)తో అత‌నికి ప‌రిచ‌యం అవుతుంది. అయితే ఆమె అత‌న్ని చాలా తీవ్రంగా ప్రేమిస్తుంటుంది. కానీ అత‌ను ఆమెను ప‌ట్టించుకోడు. ఓ ద‌శ‌లో ఆమె అత‌నితో ప‌డుకోవ‌డానికి కూడా సిద్ధ‌మ‌వుతుంది. కానీ ఆమెను అత‌ను అవ‌మానించి పంపించేస్తాడు. అయితే ఆమె అత‌న్ని అంత‌లా ప్రేమించడానికి గ‌ల కార‌ణం ఏమిటి ? అత‌ను ఆమెకు ఎందుకంత‌లా న‌చ్చాడు ? చివ‌రికి ఏమ‌వుతుంది ? వ‌ంటి వివ‌రాల‌ను తెలుసుకోవాలంటే సినిమాను చూడాల్సిందే. అయితే ఓపిక ఉన్నా ఈ మూవీని చూడ‌క‌పోవ‌డ‌మే బెట‌ర్‌. ఫ‌ర్లేదు చూస్తాం అనుకుంటే మీ ఇష్టం. కానీ అమెజాన్ ప్రైమ్‌లో ఉన్న తెలుగు సినిమాల జాబితాలో ఇదొక‌టిగా ఉంటుంద‌నే చెప్ప‌వ‌చ్చు. ఎవ‌రూ చూసేందుకు అయితే ధైర్యం చేయ‌క‌పోవచ్చు..!