Viral Video : స‌ల‌స‌ల కాగుతున్న వేడి వేడి నూనెలో చేతులు పెడితే ఏం జ‌రుగుతుంది ? అస‌లు ఎవ‌రైనా అలాంటి నూనెలో చేతులు పెడ‌తారా ? స‌వాలే లేదు. అస‌లు అలాంటి సాహ‌సం ఎవ‌రూ చేయ‌రు. తెలిసి తెలిసీ చేతుల‌ను ఎవ‌రూ కాల్చుకోరు. కానీ ఆ వ్య‌క్తి మాత్రం అలాంటి నూనెలో చేతుల‌ను పెడుతున్నాడు. అయిన‌ప్ప‌టికీ అత‌నికి ఏమీ కావ‌డం లేదు. ఏంటీ.. న‌మ్మ‌లేరా.. అయితే కింద ఇచ్చిన వీడియోను మీరే చూడండి.
జైపూర్‌లో ఓ చిరువ్యాపారి రోడ్డు ప‌క్క‌న త‌న బండిపై నూనెలో వేడి వేడిగా ప‌కోడీల‌ను వేసి ఇస్తున్నాడు చూశారు క‌దా. వాటిని చూస్తుంటేనే నోరూరిపోతోంది. అయితే అత‌ను ఆ స‌ల స‌ల కాగే వేడి వేడి నూనెలో త‌న చేతుల‌ను పెడుతున్నాడు. అనంత‌రం చేతుల‌ను బ‌య‌ట‌కు తీస్తున్నాడు. అయిన‌ప్ప‌టికీ అత‌ని చేతుల‌కు ఏమీ కావ‌డం లేదు. చూశారు క‌దా. న‌మ్మ‌లేక‌పోయినా ఇది నిజ‌మే.
ఆ వ్య‌క్తి అక్క‌డ కిసాన్ ప‌కోడే వాలా పేరిట ప‌కోడీల‌ను చేసి విక్ర‌యిస్తున్నాడు. ఈ క్ర‌మంలోనే ఓ ఫుడ్ బ్లాగ‌ర్ అత‌న్ని వీడియో తీసి ఆ వీడియోను సోష‌ల్ మీడియాలో షేర్ చేశాడు. దీంతో ఆ వీడియో కాస్తా వైర‌ల్‌గా మారింది. చాలా మంది అత‌ను అలా నూనెలో చేతులు పెడుతుండ‌డాన్ని షాకింగ్‌గా చూస్తున్నారు. వేడి వేడి నూనెలో చేతులు పెట్టినా ఏమీ కాక‌పోవ‌డంతో.. నెటిజ‌న్లు ఆశ్చ‌ర్యం వ్య‌క్తం చేస్తున్నారు.
ఈ వీడియోను ఇప్ప‌టికే ఎంతో మంది వీక్షించారు. 74వేల‌కు పైగా లైక్స్ వ‌చ్చాయి. దీనిపై చాలా మంది ర‌క ర‌కాల కామెంట్లు చేస్తున్నారు. చేతుల‌ను శుభ్రం చేసుకుని నూనెలో పెడితే బాగుంటుంది.. అని కొంద‌రు కామెంట్ చేస్తుండ‌గా.. ఆ ప‌కోడీల‌ను తినాల‌ని ఉందంటూ.. మ‌రికొంద‌రు కామెంట్లు చేస్తున్నారు.
