మార్కెట్‌లో మ‌న‌కు అనేక ర‌కాల దుస్తులు అందుబాటులో ఉన్నాయి. ఎవ‌రైనా సరే త‌మ ఇష్టాలు, అభిరుచులు, స్థోమ‌త‌కు అనుగుణంగా దుస్తుల‌ను కొని లేదా కుట్టించి ధ‌రిస్తుంటారు. అయితే దుస్తుల‌ను ధ‌రించే విష‌యంలోనూ జ్యోతిష్య శాస్త్రం ప్ర‌కారం కొన్ని నియ‌మాల‌ను పాటించాల్సి ఉంటుంది. ముఖ్యంగా వారంలో ఉన్న 7 రోజుల్లో ఒక్కో రోజు నిర్దిష్ట‌మైన రంగులు క‌లిగిన దుస్తుల‌ను ధ‌రించాల్సి ఉంటుంది. దీంతో మంచి ఫ‌లితాల‌ను పొంద‌వ‌చ్చు. ఇక వారంలోని 7 రోజుల్లో ఒక్కో రోజు ఏయే రంగు దుస్తుల‌ను ధ‌రించాలో ఇప్పుడు తెలుసుకుందాం.
ఆదివారం రోజు తెలుపు, నీలిరంగు, న‌లుపు, బ్రౌన్ కలర్ త‌ప్ప మిగిలిన ఏ రంగు దుస్తుల‌ను అయినా సరే ధ‌రించ‌వ‌చ్చు. సోమ‌వారం మిల్కీ వైట్, బూడిద రంగు, నారింజ, ఆకుప‌చ్చ, చిల‌క‌ప‌చ్చ రంగు దుస్తుల‌ను ధ‌రిస్తే మంచిది. సోమ‌వారం బ్రౌన్ కలర్ దుస్తుల‌ను ఎట్టి ప‌రిస్థితిలోనూ ధరించరాదు. మంగ‌ళ‌వారం ఎరుపు, వంకాయ, ఆరెంజ్, ప‌సుపు, మిల్కీ వైట్, గ్రే, గులాబీ రంగు దుస్తుల‌ను ధ‌రించాలి. అదే రోజు ఆకుప‌చ్చ, చిల‌క‌ప‌చ్చ, బ్రౌన్ కలర్ దుస్తుల‌ను ధరించరాదు.
బుధ‌వారం ఆకుప‌చ్చ, చిల‌క‌ప‌చ్చ, ఆరెంజ్, తెలుపు రంగు దుస్తుల‌ను ధ‌రించాలి. మిల్కీ వైట్ దుస్తుల‌ను ధరించరాదు. గురువారం ప‌సుపు, ఆరెంజ్, మిల్కీ వైట్, ఎరుపు, మెరూన్, వంకాయ, గ్రే కలర్, గులాబీ కలర్ దుస్తుల‌ను ధ‌రించాలి. అదే రోజు ఆకుప‌చ్చ, తెలుపు రంగు దుస్తుల‌ను ధరించరాదు. శుక్ర‌వారం రోజు తెలుపు, ఆకుప‌చ్చ, చిల‌క‌ప‌చ్చ, బ్రౌన్ కలర్, నీలి రంగు, న‌లుపు, గులాబీ రంగు దుస్తుల‌ను ధ‌రించాలి. అదే రోజు ఆరెంజ్, మిల్కీ వైట్, గ్రే కలర్ దుస్తుల‌ను ధరించరాదు. శ‌నివారం రోజు నీలి రంగు, న‌లుపు, తెలుపు, ఆకుప‌చ్చ, చిల‌క‌ప‌చ్చ, బ్రౌన్ కలర్ దుస్తుల‌ను ధ‌రించాలి. అదే రోజు ఆరెంజ్, మిల్కివైట్, గ్రే కలర్, మెరూన్ కలర్, ఎరుపు రంగు, గులాబి రంగు దుస్తుల‌ను ధరించరాదు.
