Vavili Chettu : మ‌న‌కు ఉప‌యోగ‌ప‌డే చెట్ల‌లో వావిలి చెట్టు కూడా ఒక‌టి. వీటిని మ‌నం ఎక్కువ‌గా గ్రామాల‌లో, రోడ్లకు ఇరు వైపులా చూడ‌వ‌చ్చు. ఈ చెట్టు పొద‌లా పెరుగుతుంది. ఈ చెట్టు కొమ్మ‌లు ఎటువంటి వంపులు లేకుండా నిటారుగా పెరుగుతూ ఉంటాయి. వావిలి చెట్టు ఆకులు పై భాగంలో ప‌చ్చ‌గా, కింద భాగంలో బూడిద రంగులో ఉంటాయి. ఈ మొక్క‌కు గుత్తులుగా పూలు పూస్తాయి. ఈ మొక్క చాలా సులువుగా పెరుగుతుంది. ఈ మొక్క కొమ్మ‌ను తెచ్చి భూమిలో పెడితే చాలు. ఆ కొమ్మ‌కే వేర్లు వ‌చ్చి మొక్క‌గా పెరుగుతాయి. ఈ మొక్క ఆకుల‌ను తెచ్చి నీటిలో వేసి వేడి చేసి ఆ నీటితో బాలింత‌ల‌కు స్నానం చేయిస్తూ ఉంటారు. ఇలా చేయ‌డం వ‌ల్ల బాలింత‌ల‌కు ఉండే నొప్పులు, వాపులు త‌గ్గిపోతాయి. వారికి ఎటువంటి ఇన్ ఫెక్ష‌న్ లు రాకుండా ఉంటాయి.
మోకాళ్ల నొప్పులను త‌గ్గించ‌డంలోనూ వావిలి ఆకులు ఎంత‌గానో ఉప‌యోగ‌ప‌డ‌తాయి. వావిలి ఆకుల‌ను కొబ్బ‌రి నూనెలో వేసి మ‌రిగించాలి. ఈ నూనె గోరు వెచ్చ‌గా ఉన్న‌ప్పుడు మోకాళ్లపై రాస్తూ నూనె చ‌ర్మంలోకి ఇంకేలా మ‌ర్ద‌నా చేయాలి. ఇలా చేస్తూ ఉండ‌డం వ‌ల్ల మోకాళ్ల నొప్పులు త‌గ్గుతాయి. ముక్కు, నోరు లేదా మ‌లంలో వ‌చ్చే ర‌క్తాన్ని త‌గ్గించ‌డంలో వావిలి ఆకు ఎంత‌గానో స‌హాయ‌ప‌డుతుంది. లేత వావిలి ఆకుల‌ను నెయ్యిలో దోర‌గా వేయించి ఆ ఆకుల‌ను తిన‌డం వ‌ల్ల ముక్కు, నోరు, మ‌లం వ‌ల్ల వ‌చ్చే ర‌క్తం ఆగిపోతుంది.
వావిలి ఆకుల‌ను దంచి ర‌సాన్ని తీసి దానికి స‌మానంగా నువ్వుల నూనెను క‌లిపి నూనె మిగిలే వ‌ర‌కు మ‌రిగించాలి. ఈ నూనెను రాసుకోవ‌డం వ‌ల్ల గ‌జ్జి, తామ‌ర వంటి చ‌ర్మ వ్యాధులు త‌గ్గుతాయి. వావిలి చెట్టు వేరును ఎండ‌బెట్టి చూర్ణంగా చేసి నిల్వ చేసుకోవాలి.ఈ చూర్ణాన్ని ప్ర‌తిరోజూ గోరు వెచ్చ‌ని నీటితో క‌లిపి తాగ‌డం వ‌ల్ల న‌డుము నొప్పి, కండ‌రాల నొప్పులు త‌గ్గుతాయి.
పురుషుల్లో శృంగార సామ‌ర్థ్యాన్ని పెంచేందుకు కూడా వావిలి చెట్టు ఉప‌యోగ‌ప‌డుతుంది. ఇందుకు గాను వావిలి చెట్టు వేరును తెచ్చి ఎండ బెట్టి పొడి చేయాలి. దీన్ని 40 గ్రాముల మోతాదులో తీసుకోవాలి. అలాగే 20 గ్రాముల చొప్పున శొంఠిపొడి, అల్లం పొడి క‌ల‌పాలి. దీంతో మొత్తం క‌లిపి 80 గ్రాముల మేర పొడి త‌యార‌వుతుంది. దీన్ని రోజుకు 10 గ్రాముల చొప్పున పాల‌లో క‌లిపి తీసుకోవాలి. ఇలా చేస్తే ఈ పొడి 8 రోజుల వ‌ర‌కు వ‌స్తుంది. త‌రువాత మ‌ళ్లీ ఇలాగే త‌యారు చేసుకుని ఈ పొడిని వాడాలి. ఇలా చేస్తుంటే పురుషుల్లో శృంగార సామ‌ర్థ్యం పెరుగుతుంది.
మ‌లేరియా జ్వ‌రాన్ని త‌గ్గించే గుణం కూడా వావిలి చెట్టుకు ఉంటుంది. వావిలి ఆకుల‌ను ఒక లీట‌ర్ నీటిలో వేసి వాటిని అర లీట‌ర్ అయ్యే వ‌ర‌కు మ‌రిగించాలి. ఒక గ్లాసులో స‌గం ఆవు పాల‌ను, స‌గం వావిలి ఆకుల‌ను మ‌రిగించిన నీటిని పోసి క‌లిపి తాగ‌డం వ‌ల్ల మ‌లేరియా జ్వ‌రం త‌గ్గుతుంది.
త‌ర‌చూ ఇంట్లోకి పాములు వ‌స్తున్న‌ట్ట‌యితే ఈ వావిలి మొక్క కొమ్మ‌ల‌ను తెచ్చి ఇంటి చుట్టూ ఉంచ‌డం వ‌ల్ల పాములు ఇంట్లోకి రాకుండా ఉంటాయి. ఈ విధంగా వావిలి ఆకు మ‌న‌కు ఎంతో ఉప‌యోగ‌ప‌డుతుంద‌ని నిపుణులు చెబుతున్నారు.
