Chicken Pulao In Cooker : చికెన్ పులావ్.. చికెన్ తో చేసుకోద‌గిన రుచికర‌మైన వంట‌కాల్లో ఇది కూడా ఒక‌టి. చికెన్ పులావ్ చాలా రుచిగా ఉంటుంది. చాలా మంది దీనిని ఇష్టంగా తింటారు. రుచిగా ఉన్న‌ప్ప‌టికి దీనిని త‌యారు చేయ‌డం చాలా మంది క‌ష్టంగా భావిస్తారు. కానీ చాలా సుల‌భంగా చాలా త‌క్కువ స‌మ‌యంలో కుక్క‌ర్ లో మ‌నం చికెన్ పులావ్ ను త‌యారు చేసుకోవ‌చ్చు. బ్యాచిల‌ర్స్, వంట‌రాని వారు కూడా కుక్క‌ర్ లో రుచిగా చికెన్ పులావ్ ను త‌యారు చేసుకోవ‌చ్చు. మ‌రింత సుల‌భంగా, రుచిగా కుక్క‌ర్ లో చికెన్ పులావ్ ను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
చికెన్ పులావ్ త‌యారీకి కావ‌ల్సిన ప‌దార్థాలు..
నూనె – 3 టేబుల్ స్పూన్స్, ల‌వంగాలు – 6, యాల‌కులు – 4, దాల్చిన చెక్క – ఒక ఇంచు ముక్క, సాజీరా – ఒక టీ స్పూన్, బిర్యానీ ఆకు – 1, పొడుగ్గా తరిగిన ఉల్లిపాయ – 1, అల్లం వెల్లుల్లి పేస్ట్ – ఒక టేబుల్ స్పూన్, ఉప్పు – త‌గినంత, ప‌సుపు – అర టీ స్పూన్, కారం – ఒక టీ స్పూన్, గ‌రం మ‌సాలా – ఒక టీ స్పూన్, తరిగిన ట‌మాట – 1, అర‌గంట పాటు ఉప్పు నీటిలో నాన‌బెట్టిన చికెన్ – అర‌కిలో, నీళ్లు – ఒక‌టిన్న‌ర కప్పులు, నాన‌బెట్టిన బియ్యం – ఒక కప్పు, చిలికిన పెరుగు – పావు కప్పు, తరిగిన ప‌చ్చిమిర్చి – 3, తరిగిన పుదీనా – ఒక టేబుల్ స్పూన్, తరిగిన కొత్తిమీర – ఒక టేబుల్ స్పూన్, ఎండిన‌దేశ‌వాలీ గులాబీ రేకులు – ఒక టేబుల్ స్పూన్.
చికెన్ పులావ్ త‌యారీ విధానం..
ముందుగా కుక్క‌ర్ లో నూనె వేసి వేడి చేయాలి. నూనె వేడ‌య్యాక మ‌సాలా దినుసులు వేసి వేయించాలి. త‌రువాత ఉల్లిపాయ ముక్క‌లు వేసి ఎర్ర‌గా అయ్యే వరకు వేయించాలి. త‌రువాత అల్లం వెల్లుల్లి పేస్ట్ వేసి వేయించాలి. త‌రువాత ఉప్పు, ప‌సుపు, కారం, గ‌రం మ‌సాలా వేసి క‌ల‌పాలి. త‌రువాత ట‌మాట ముక్క‌లు వేసి మెత్త‌బ‌డే వరకు వేయించాలి. త‌రువాత చికెన్ వేసి పెద్ద మంట‌పై 4 నిమిషాల పాటు వేయించాలి. త‌రువాత నీళ్లు పోసి క‌ల‌పాలి. త‌రువాత బియ్యం వేసి క‌ల‌పాలి. త‌రువాత పెరుగు, ప‌చ్చిమిర్చి, పుదీనా, కొత్తిమీర, గులాబీ రేకులు వేసి మూత పెట్టాలి. త‌రువాత పెద్ద మంట‌పై 3 విజిల్స్ వ‌చ్చే వరకు ఉడికించి స్ట‌వ్ ఆఫ్ చేసుకోవాలి. త‌రువాత దీనిని అర‌గంట పాటు అలాగే ఉంచి ఆ త‌రువాత స‌ర్వ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ పులావ్ త‌యార‌వుతుంది. దీనిని రైతాతో తింటే చాలా రుచిగా ఉంటుంది. ఈ విధంగా చాలా సుల‌భంగా చాలా తేలిక‌గా చికెన్ పులావ్ ను త‌యారు చేసి తీసుకోవ‌చ్చు.
