ల‌వంగాల‌ను మనం వంట‌ల్లో తరచూ ఉప‌యోగిస్తుంటాం. ముఖ్యంగా వెజ్ లేదా నాన్ వెజ్ మ‌సాలా వంట‌కాల్లో ల‌వంగాల‌ను వేస్తుంటారు. అయితే ఆయుర్వేదం ప్ర‌కారం ల‌వంగాల్లో ఎన్నో అద్భుత‌మైన ఔష‌ధ‌గుణాలు ఉన్నాయి. ల‌వంగాల‌ను రోజూ తిన‌డం వ‌ల్ల అనేక ప్ర‌యోజ‌నాల‌ను పొంద‌వ‌చ్చు. ముఖ్యంగా భోజ‌నం చేసిన అనంత‌రం చిన్న ల‌వంగం ముక్క‌ను అలాగే నమిలి తినాలి. దీంతో ప‌లు లాభాలు పొంద‌వ‌చ్చు. అవేమిటో ఇప్పుడు తెలుసుకుందాం.
ల‌వంగాల్లో యాంటీ బాక్టీరియ‌ల్‌, యాంటీ మైక్రోబియ‌ల్ ల‌క్ష‌ణాలు ఉంటాయి. అందువ‌ల్ల ల‌వంగాల‌ను న‌మిలితే నోట్లో ఉండే బాక్టీరియా న‌శిస్తుంది. దీంతో నోటి దుర్వాస‌న త‌గ్గుతుంది. అలాగే దంతాలు, చిగుళ్లు దృఢంగా, ఆరోగ్యంగా ఉంటాయి. దంతాలు, చిగుళ్ల నొప్పి నుంచి ఉప‌శ‌మ‌నం ల‌భిస్తుంది. లివ‌ర్‌కు సంబంధించిన స‌మ‌స్య‌లు, వ్యాధులు ఉన్న‌వారు లవంగాన్ని రోజూ తింటుంటే త్వ‌ర‌గా కోలుకుంటారు. లివ‌ర్ ప‌నితీరు మెరుగు ప‌డుతుంది.
తరచూ బాక్టీరియా లేదా వైర‌స్ ఇన్‌ఫెక్ష‌న్ల బారిన ప‌డుతున్న‌వారు రోజూ లవంగాన్ని తింటుంటే ఫ‌లితం ఉంటుంది. ఇన్‌ఫెక్ష‌న్ల బారిన ప‌డ‌కుండా రోగాలు రాకుండా ఉంటాయి. లవంగాన్ని రోజూ తింటుంటే ఎముక‌లు ఆరోగ్యంగా ఉంటాయి. బ‌లంగా మారుతాయి. చ‌ర్మం తరచూ దుర‌ద పెట్టే స‌మ‌స్య ఉన్న‌వారు లవంగాన్ని తింటుంటే ఫ‌లితం ఉంటుంది. అలాగే రోజూ లవంగాన్ని తింటుండ‌డం వ‌ల్ల క్యాన్స‌ర్లు వ‌చ్చే అవ‌కాశాలు గ‌ణ‌నీయంగా త‌గ్గుతాయని వైద్యులు చెబుతున్నారు. ఇలా లవంగాన్ని రోజూ తిన‌డం వ‌ల్ల మనం ఎన్నో లాభాల‌ను పొంద‌వ‌చ్చు. క‌నుక రోజూ ఒక లవంగాన్ని భోజ‌నం చేసిన త‌రువాత తిన‌డం మ‌రిచిపోకండి.
