శాకాహార పదార్థాలలో ఎక్కువ ప్రోటీన్ ఉండే పదార్ధాలు చాలా తక్కువ. మాంసాహార పదార్థాలతో పోలిస్తే లేవు అని అనట్లేదు. తక్కువ అని అంటున్నాం. శాకాహార పదార్థాలలో కొన్ని పదార్ధాలు ఉన్నాయి. వాటిలో మాంసాహారం కంటే ఎక్కువ ప్రోటీన్ లభిస్తుంది. వాటి గురించి చెప్పుకునే ముందు ముందుగా మాంసాహారంలో ఎలా ఎక్కువ ప్రోటీన్ ఉంటుందో చూద్దాం. 100 గ్రాముల చికెన్ — 27 గ్రాముల ప్రోటీన్, 100 గ్రాముల మటన్ — 25 గ్రాముల ప్రోటీన్, 100 గ్రాముల చేప — 22 గ్రాముల ప్రోటీన్ ఉంటుంది. అలాగే 100 గ్రాముల వంకాయ‌ల‌లో — 1 గ్రామ్ ప్రోటీన్, 100 గ్రాముల బంగాళదుంప — 1.9 గ్రాముల ప్రోటీన్, 100 గ్రాముల అన్నం — 2.7 గ్రాముల ప్రోటీన్, 100 గ్రాముల తోటకూర — 2.9 గ్రాముల ప్రోటీన్ ఉంటుంది.
ఇలాగా ఇంచు మించు చాలా పదార్థాలకు దీనికి దగ్గరలోనే ఉంటుంది. కాబట్టి శాకాహార పదార్థాలలో ప్రోటీన్లు ఎక్కువగా లభించడం కొంచెం తక్కువే కానీ శాకాహారంలో కూడా మాంసాహారం కంటే ఎక్కువ లేక అంతే ప్రోటీన్ ఉండే పదార్థాలు ఉన్నాయి. మొదటిది వేగుశెనకాయలు. వీటిని ఆంగ్లములో గ్రౌండ్ నట్స్ అంటారు. 100 గ్రాముల వేగుశెనకాయలలో 26 గ్రాముల ప్రోటీన్ ఉంటుంది. వీటిలో మాంసాహారం కంటే ఎక్కువగా ప్రొటీన్ ఉంటుంది. అత్యంత ప్రోటీన్ కలిగిన పదార్థాలలో వేగుశెనకాయలు మొదటి స్థానంలో ఉంటాయి. వీటిని రాత్రంతా నానబెట్టి తింటే 100 % ప్రోటీన్ వీటినుంచి లభిస్తుంది. రెండవది పన్నీర్. 100 గ్రాముల పన్నీర్ లో 20 గ్రాముల ప్రోటీన్ ఉంటుంది. మాంసాహార పదార్ధాలంతే ఉంటుంది. ఉడికించిన పన్నీర్ తింటే చాలా మంచిది.
100 గ్రాముల సోయాబీన్ లో 52 గ్రాముల ప్రోటీన్ ఉంటుంది. ఇది అన్నిటికంటే ఎక్కువ కానీ ఎక్కువగా తినడం వల్ల కొన్ని ఆరోగ్య సమస్యలు వస్తాయి . సోయాబీన్ అన్నిటికంటే ఎక్కువ ప్రోటీన్ ఉండే పదార్థాలలో తప్పకుండా మొదటి స్థానంలో ఉంటుంది. 100 గ్రాముల బాదం ఇంకా ఇతర నట్స్ ఆహారాలలో 20 గ్రాముల ప్రోటీన్ ఉంటుంది. వీటిని 8 గంటలపాటు నానబెట్టే తినాలి అప్పుడే వీటినుంచి 100% ప్రోటీన్లు లభిస్తాయి లేకపోతే లభించవు. ఇలా కొన్ని శాకాహారాల్లోనూ మాంసం క‌న్నా ఎక్కువ ప్రోటీన్లు లభిస్తాయి.
