క్యాస్టింగ్ కౌచ్..ప్రస్తుతం ఈ పదం తెలియనివారుండరేమో.. అప్ప‌ట్లో ప్రతిరోజు ఈ విషయంపై చర్చ జరుగుతూనే ఉండేది.మొదట్లో శ్రీరెడ్డి క్యాస్టింగ్ కౌచ్ గురించి సంచలన వ్యాఖ్యలు చేయగా ఇప్పుడు ఒక్కొక్కరూ జూనియర్ ఆర్టిస్టులు కూడా తమ బాదలు చెప్పుకుంటున్నారు. ఎన్నోఏ‌ళ్లుగా సాగుతున్న ఈ దురాగతాన్ని నిర్మూలించాలంటూ అందరూ గళం వినిపిస్తున్నారు. అయితే లింగ వివక్ష లేని కొన్నిదేశాల్లో క్యాస్టింగ్ కౌచ్ అనే పదమే వినిపించదు. ఆ దేశాలు ఏవి..ఆయా దేశాల గురించి కొన్ని వివరాలు..
మహిళల్ని గౌరవించడంలో ఐస్‌ల్యాండ్‌ది ప్రధమస్థానం. ఇంటర్‌నెట్‌లో ఫోర్నోగ్రఫిని ఈ దేశం పూర్తిగా అరికట్టింది. సినిమాల విషయంలోనూ సెన్సార్ బోర్డు ఖచ్చితంగా పనిచేస్తుంది. మహిళల్ని అసభ్యంగా చిత్రీకరించే ఎలాంటి వీడియోకీ ఇక్క‌డ తావుండదు. అలాగే పార్లమెంట్‌లోని సగం సీట్లు మహిళలకు త‌ప్ప‌నిస‌రిగా కేటాయిస్తారు. ఫిన్‌ల్యాండ్ దేశంలో సమానత్వ హక్కు చట్టం అమ‌లులో ఉంది. ఫ‌లితంగా పురుషులతో సమానంగా మహిళలకీ హక్కులుంటాయి. కళాశాల, కార్యాలయాల్లోనూ మహిళలకు సమాన హక్కులు లభిస్తున్నాయి.
అత్యధికంగా మాతృత్వ సెలవులు ఇస్త్తున్న దేశం స్వీడన్. ప్రసవానంతరం 69 వారాలపాటు వేతనంతో కూడిన సెలవులు ఇస్తారు.అందుకే ఈ దేశంలో ఉద్యోగం చేసే మహిళల సంఖ్య నూటికి 77శాతంగా ఉంది. అదే విధంగా యూకే, ఆస్ట్రేలియా దేశాల్లో అన్ని రంగాల్లోనూ మహిళలు అగ్రస్థానంలో ఉంటున్నారు.ఆయా దేశాల్లో కూడా క్యాస్టింగ్ కౌచ్ గురించిన వ్యాఖ్యలు వినపడవు.
