మెగాస్టార్ చిరంజీవి హీరోగా సురేష్ కృష్ణ దర్శకత్వంలో 2001 అక్టోబర్ 4న ప్రేక్షకుల ముందుకి వచ్చిన డాడీ చిత్రం తెలుగు ప్రేక్షకులకు ఇప్పటికీ బాగానే గుర్తుండి ఉంటుంది. ఈ సినిమాలో సీనియర్ హీరోయిన్ సిమ్రాన్ హీరోయిన్ గా నటించింది. ఈ చిత్రంలో రాజ్ గా చిరంజీవి, శాంతిగా సిమ్రాన్ నటించారు. అక్షయ, ఐశ్వర్య పాత్రల్లో చిన్నారి అనుష్క మల్హోత్ర అభినయం ఆకట్టుకుంది. రాజేంద్రప్రసాద్, శరత్ బాబు, ఆషిమా బల్ల, అల్లు అర్జున్, అచ్యుత్, ఎమ్మెస్ నారాయణ, ఉత్తేజ్ ఇతర పాత్రల్లో కనిపించారు. ఈ చిత్రం విడుదలైన రోజునే మంచి టాక్ సంపాదించింది.
అయితే ఈ మూవీలో చిరంజీవి కూతురుగా డ్యూయల్ రోల్ లో నటించిన బాల నటి మీకందరికీ గుర్తుండే ఉంటుంది. ఈ చిత్రంలో అక్షయ పాత్రలో నటించిన చైల్డ్ ఆర్టిస్ట్ అసలు పేరు అనుష్క మల్హోత్రా. ఈమె స్వస్థలం మహారాష్ట్రలోని ముంబై. కానీ టాలీవుడ్ సినీ పరిశ్రమలో తెలిసిన వారి ద్వారా డాడీ సినిమాలో అనుష్క మల్హోత్ర ఆర్టిస్ట్ గా నటించే అవకాశాన్ని దక్కించుకుంది. హిందీలో కూడా ఈమె ఓ సినిమాలో నటించింది. ఈ రెండు సినిమాల తరువాత ఈ చిన్నారి మూవీస్ కి గుడ్ బై చెప్పేసి చదువుల మీద దృష్టి పెట్టింది.
చిన్నప్పుడే సినిమాల్లోకి వెళితే తన చదువుకి భంగం కలుగుతుందని అనుష్క మల్హోత్రా తల్లిదండ్రులు భావించి కొంతకాలం పాటు సినిమాల్లో నటించడం మాన్పించేశారు. అయితే ప్రస్తుతం అనుష్క మల్హోత్రా చదువులో డిగ్రీని పూర్తి చేసుకొని సినిమాల వైపు వస్తుంది. ప్రస్తుతం మోడలింగ్ రంగంలో కూడా పనిచేస్తుంది. ప్రస్తుతం అనుష్క కన్నడ పరిశ్రమకు చెందిన ఓ ప్రముఖ దర్శకుడు దర్శకత్వం వహిస్తున్న సినిమాలో హీరోయిన్ గా కూడా అవకాశం దక్కించుకున్నట్లు తెలుస్తోంది. మరి ఈ ముద్దుగుమ్మ తెలుగులో ఎప్పుడు రియంట్రీ ఇస్తుందో వేచి చూడాలి.
