కన్నడలో ఒక సాధారణ సినిమాగా విడుదలయ్యి దేశవ్యాప్తంగా సంచలనం సృష్టించిన సినిమా కాంతార. ఈ సినిమా కన్నడ నాట అద్భుతమైన విజయాన్ని అందుకోవడంతో మూవీ మేకర్స్ ఇతర భాషలోకి కూడా అనువదించి విడుదల చేశారు. కథ బాగుంటే ప్రేక్షకులు ప్రాంతీయ బేధాలు లేకుండా ఆదరిస్తారని ఈ సినిమాతో మరోసారి రుజువయింది. కర్ణాటకలోని గ్రామీణ సాంప్రదాయాలు ఆధారంగా తెరకెక్కిన ఈ సినిమా అందరికీ ఒక కొత్త కథ చూసాం అనే భావన కలిగించింది.
కేజిఎఫ్ చిత్రాలను తెరకెక్కించిన హోంబ‌లే ఫిలింస్ ఈ చిత్రాన్ని నిర్మించింది. ఇక ఈ సినిమా రూ. 300 కోట్ల కలెక్షన్స్ అందుకుని దూసుకుపోయింది. ఇక విడుదలైన ప్రతి చోట వసూళ్ల వర్షం కురిపించిన ఈ సినిమాపై పలువురు ప్రముఖులు ప్రశంసలు కురిపించారు. ఈ చిత్రాన్ని అప్ప‌ట్లో ఇండియన్ ఫైనాన్స్ మినిస్టర్ కూడా వీక్షించ‌డం విశేషం. ఇక ఈ సినిమాలో ముందు హీరో రిషబ్ కాదట. ఈ సినిమాకు రిషబ్ దర్శకత్వంతో పాటు హీరో గాను నటించిన విషయం తెలిసిందే.
అయితే ముందుగా ఈ సినిమాలో హీరోగా దివంగత నటుడు పునీత్ రాజ్ కుమార్ అనుకున్నారట. ఆ సినిమా పాన్ ఇండియా స్థాయిలో ఉండాలని ముందుగానే అనుకున్నారట. అందుకోసమే హోంబ‌లే ప్రొడక్షన్ హౌస్ ను సంప్రదించాడు. అన్ని కుదిరిన తర్వాత పునీత్ రాజ్ కుమార్ తో సినిమా చేయాలని అనుకున్నాడట. అయితే ఇదే విషయం పునీత్ రాజ్ కుమార్ తో చెబితే, ఆ మట్టి వాసన బాగా పండాలంటే, హీరోగా నువ్వే నటించాలి అని సలహా ఇచ్చాడట. దాంతో రిషబ్ ఈ సినిమాలో హీరోగా నటించాడు. త‌రువాత కాంతార మూవీ ఎంత పెద్ద హిట్ అయిందో అందరికీ తెలిసిందే.
