సినిమాల్లో నటించాలి అనే ఇంట్రెస్ట్ కలిగిన వాళ్లు, సోషల్ మీడియా లేని రోజుల్లో ఆడిషన్స్ కు వచ్చి సాయంత్రం వరకు ఎదురుచూపులు చూసేవాళ్ళు. ఇప్పుడు పద్ధతి మారింది. సోషల్ మీడియా ఊపందుకున్నాక టాలెంట్ ఉన్నవాళ్లు అవకాశాల కోసం పరితపించాల్సిన అవసరం లేదు. యూట్యూబ్లో వీడియోల ద్వారా పాపులర్ అయిన వాళ్లను సినిమా చేసే వాళ్ళే స్వయంగా ఫోన్ చేసి పిలిపించుకుంటున్నారు. ఒకవేళ సినిమాల్లోకి కాకపోయినా బిగ్ బాస్ వంటి రియాలిటీ షోలలో అయిన వారికి అవకాశాలు దక్కుతున్నాయి. అటు తరువాత అయినా వాళ్లకు సినిమాల్లో అవకాశాలు వస్తాయన్న గ్యారెంటీలు ఉంది. సరే ఈ విషయాన్ని పక్కన పెట్టేస్తే ఇప్పుడు సినిమాల్లో రాణిస్తున్న చాలామంది నటీనటుల కెరీర్ షార్ట్ ఫిలిమ్స్ తోనే మొదలయ్యింది. వాళ్ళు ఎవరెవరో ఓ లుక్కేద్దాం రండి!
#1 రాజ్ తరుణ్: ఈ లిస్టులో మొదట చెప్పుకోవాల్సింది రాజ్ తరుణ్ పేరే. ‘ఉయ్యాల జంపాల’, ‘సినిమా చూపిస్త మావ’, ‘కుమారి 21ఎఫ్: 20 హిట్ సినిమాలతో క్రేజ్ ను సంపాదించుకున్న రాజు తరుణ్, తన కెరీర్ ను షార్ట్ ఫిలిమ్స్ తోనే మొదలు పెట్టాడు. #2 వైవా హర్ష: కెరీర్ ప్రారంభంలో ఎన్నో స్పూఫ్ వీడియోలు చేసేవాడు. ‘వైవా’ వీడియో ఇతనికి మంచి గుర్తింపు తెచ్చి పెట్టింది. అటు తర్వాత కూడా ఎన్నో షార్ట్ ఫిలిమ్స్ లో నటించాడు. తర్వాత ‘గోవిందుడు అందరివాడేలే’, ‘దోచేయ్’, ‘కృష్ణ అండ్ హిజ్ లీల’, ‘కలర్ ఫోటో’ వంటి వరుస సూపర్ హిట్ సినిమాల్లో నటించి నటుడుగా బిజీ అయిపోయాడు.
#3 రాహుల్ రామకృష్ణ: ‘సైన్మ’ అనే షార్ట్ ఫిలిమ్ ద్వారా మంచి గుర్తింపు తెచ్చుకున్నాడు రాహుల్ రామకృష్ణ. అటు తర్వాత ‘అర్జున్ రెడ్డి’, ‘భరత్ అనే నేను’, ‘గీత గోవిందం’, ‘అల వైకుంఠపురములో’ వంటి సూపర్ హిట్ చిత్రాల్లో నటించాడు. ‘ఆర్.ఆర్.ఆర్’ చిత్రంలోనూ యాక్ట్ చేశాడు. #4 పూజిత పొన్నాడ: ‘రంగస్థలం’, ‘కల్కి’, ‘బ్రాండ్ బాబు’ వంటి చిత్రాల్లో నటించిన పూజిత పొన్నాడ, కెరీర్ ప్రారంభంలో పలు షార్ట్ ఫిలిమ్స్ లో నటించింది. #5 రీతు వర్మ: ‘ఎవడే సుబ్రహ్మణ్యం’, ‘పెళ్లిచూపులు’ వంటి సినిమాలతో ఫేమస్ అయిన రీతు వర్మ, కెరీర్ ప్రారంభంలో ‘అనుకోకుండా’ అనే షార్ట్ ఫిలింలో నటించింది.
