ఆ రోజున రెండు సూపర్ హిట్ సినిమాలు విడుదల అయ్యాయి. అలాగే ఒక గొప్ప దర్శకుడు తెలుగు సినిమాకి పరిచయం అయ్యాడు. ఒకటి తెలుగు సినీ ప్రియులకు పరిచయం అవసరం లేని మెగాస్టార్ అయిన చిరంజీవిది. ఇంకొకటి ఎవ్వరికీ పెద్దగా తెలీని, అప్పటికి డాలర్ డ్రీమ్స్ అన్న సినిమాతో జాతీయ ఉత్తమ దర్శకుడు అవార్డు పొందిన శేఖ‌ర్ కమ్ముల‌ది. అందరి సినిమా ప్రేమికుల లాగే ఆ రోజు నేను స్నేహితులతో శంకర్ దాదా మొదటి రోజు చూసాను. నెల్లూరు లీలామహల్ లో సినిమా సూపర్ హిట్ , సూపర్ కలెక్షన్స్. ఆనంద్ కూడా శంకర్ దాదా అంత కాకపోయినా ఒక మంచి హిట్ సినిమానే. ఆనంద్ ని థియేటర్ లో మిస్ అయ్యాను ఆ తర్వాత ఎప్పుడో టీవీ లో చూసాను.
ఇలా కూడా సినిమా తియ్యచ్చా అనిపించింది. తెలుగు సినిమాలో ఆనంద్ స్టైల్ అఫ్ టేకింగ్ ఒక కొత్త ప్రయోగం అని చెప్పచ్చు . ఒక స్త్రీ పాత్రని అంత అద్బుతంగా చుపించిన శేఖ‌ర్ కమ్ముల మీద ప్రత్యేక అభిమానం ఏర్పడింది. ఆనంద్ సినిమా గురించి ఒక బ్లాగ్ రాయచ్చు. పై రెండు సినిమాలలో ఏది గొప్ప సినిమా అంటే నిర్ద్వంద్వంగా ఆనంద్ అని చెప్పచ్చు.
ఆనంద్ ఆ సంవత్సరం ఇదు నందులను కైవసం చేసుకుంది. ఫిలిం ఫేర్ సౌత్ నందు ఐదు విభాగాల్లో నామినేట్ అయ్యింది. ముఖ్యంగా తెలుగు సినిమాకు శేఖ‌ర్ కమ్ముల లాంటి గొప్ప దర్శకుడు దొరికాడు.
ఈ సినిమా ఇప్పుడు చూసినా చాలా ఆహ్లాదంగ ఉంటుంది. ఆర్ధిక పరంగా శంకర్ దాదా గొప్ప హిట్ అయినప్పటికీ , కొత్తదనం/దర్శకత్వం/ఎమోషన్ పరంగా ఆనంద్ ఒక మంచి కాఫీ లాంటి సినిమా , విశ్వనాధ సినిమాల వలె. ఎన్ని సంవత్సరాలయినా విలువ తగ్గని సినిమా అని చెప్ప‌వ‌చ్చు.
