గుండె జబ్బులుగల రోగులు వారి గుండెను పదిలంగా ఎప్పటికపుడు కాపాడుకుంటూ వుండాలి. డాక్టర్లు తమ రోగులకు రోజూ వ్యాయామం చేయాలని గుండె జబ్బులు మరిన్ని రాకుండా చూసుకోవాలని సలహానిస్తారు. గుండె జబ్బు గల రోగులకు ప్రతిరోజూ వారు ఏ రకమైన వ్యాయామాలు చేయాలనేది పరిశీలిద్దాం. గుండె రోగులకు ఏరోబిక్ వ్యాయామాలు మంచివి. వేరే ఇతర వ్యాయామాలు గుండెపై అధికంగా ప్రభావం చూపే అవకాశం వుంది. కనుక లైట్ గా వుండే ఏరోబిక్ వ్యాయామాలు వీరికి సూచించదగినవి. ప్రతిరోజూ సుమారు అరగంట పాటు చేసే వ్యాయామాలను నిర్ధారించుకోండి. లేదా కనీసం వారానికి మూడు సార్లయినా వీటిని చేయాలి.
మొదట్లో 5 నుండి 10 నిమిషాలుగా మొదలుపెట్టి మెల్లగా రోజుకు 30 నిమిషాల వ్యవధి చేసేట్లుగా ఆచరించాలి. ఒకేసారి 30 నిమిషాలపాటు వ్యాయామం చేయలేకపోతే, ఆ సమయాన్ని రెండు భాగాలుగా అంటే15 నిమిషాలుగా ఉదయం మరో సారి 15 నిమిషాలుగా సాయంకాలం చేయండి. వ్యాయామాలు చేసేముందు, శరీరం కొద్దిపాటి ఉష్ణోగ్రత పెంచుకోడానికి కొద్దిగా నడక లేదా స్ట్రెచింగ్ లాంటివి చేయండి. ప్రతి వ్యాయామానికి తర్వాత కొద్ది విశ్రాంతినివ్వండి. 5 నుండి పది నిమిషాలు నడిచి దిలాక్స్ అయి వ్యాయామాలు మొదలుపెట్టాలి. గుండె రోగులకు వాకింగ్ మంచి ఎక్సర్ సైజ్ గా చెపుతారు. దీనితో గుండె ఆరోగ్యంగా వుంటుంది. ఉదయం, సాయంత్రం నడవండి.
శ్రమ కలిగించే పుల్ అప్స్ లేదా పుష్ అప్స్ లాంటివి చేయకండి. కండరాలు బాగా సాగి నొప్పులు పెడతాయి. వాతావరణం బాగా చలిగా లేదా వేడిగా వుంటే, ఇంటిలోపలే వ్యాయామం చేయండి. ఉష్ణోగ్రతలలో వచ్చే మార్పులు శ్వాస సంబంధిత సమస్యలు తెచ్చి ఛాతీ నొప్పి కలిగిస్తాయి. గుండె రోగులకు మెడిటేషన్ లేదా ధ్యానం చేయటం చాలా మంచిది. అది వారి మైండ్ ను రిలాక్స్ చేసి మంచి శ్వాస ప్రక్రియను కలిగిస్తుంది. స్ట్రెచింగ్ లు కండరాలను బలపరచి రిలాక్స్ చేస్తాయి. వాకింగ్ లేదా జోగింగ్ కు ముందు తర్వాత కూడా కొద్దిపాటి స్ట్రెచింగ్ చేయండి. ఈ వ్యాయామాలు చేస్తే చాలు గుండె రోగులకు ఆరోగ్యం కలిగి చురుకుగా వుంటారు.
