Anjeer With Milk : మ‌నం ఆహారంగా తీసుకునే డ్రై ఫ్రూట్స్ లలో అంజీర్ కూడా ఒక‌టి. అంజీర్ తియ్యగా చాలా రుచిగా ఉంటుంది. చాలా మంది దీనిని ఇష్టంగా తింటారు. అలాగే తీపి వంట‌కాల త‌యారీలో కూడా దీనిని ఉప‌యోగిస్తూ ఉంటారు. రుచిగా ఉండ‌డంతో పాటు అంజీర్ ను తీసుకోవ‌డం వల్ల మ‌న ఆరోగ్యానికి ఎంతో మేలు క‌లుగుతుంది. దీనిలో మ‌న శ‌రీరానికి అవ‌స‌ర‌మ‌య్యే ముఖ్య‌మైన పోష‌కాల‌తో పాటు ఎన్నో ఆరోగ్య ప్ర‌యోజ‌నాలు కూడా దాగి ఉన్నాయి. పోష‌కాహార నిపుణులు కూడా అంజీర్ ను ఆహారంలో భాగంగా తీసుకోవాలని సూచిస్తూ ఉంటారు. అయితే అంజీర్ ను చాలా మంది నేరుగా తినేస్తూ ఉంటారు. కొంద‌రు నీటిలో నాన‌బెట్టి తీసుకుంటూ ఉంటారు. ఇలా నేరుగా తిన‌డానికి బ‌దులుగా అంజీర్ ను పాల‌తో క‌లిపి తీసుకోవ‌డం వల్ల మ‌నం మ‌రిన్ని ఆరోగ్య ప్ర‌యోజ‌నాల‌ను, పోష‌కాల‌ను పొంద‌వ‌చ్చ‌ని నిపుణులు చెబుతున్నారు.
అంజీర్ ను పాల‌ను క‌లిపి తీసుకోవ‌డం వల్ల మ‌న‌కు క‌లిగే అద్భుత‌మైన ప్ర‌యోజ‌నాల గురించి ఇప్పుడు తెలుసుకుందాం. అంజీర్ పాల‌ను తీసుకోవ‌డం వల్ల మ‌న‌కు త‌క్ష‌ణ శ‌క్తి ల‌భిస్తుంది. అంజీర్ లో కార్బోహైడ్రేట్స్ ఎక్కువ‌గా ఉంటాయి. ఇవి శ‌క్తిని స‌హ‌జంగా అందిస్తాయి. స‌మ‌తుల్య ఆహారాన్ని తీసుకోవాల‌నుకునే వారు అంజీర్ ను పాల‌ను క‌లిపి తీసుకోవ‌డం వల్ల మంచి ఫ‌లితం ఉంటుంది. అంజీర్ ను పాల‌ను క‌లిపి తీసుకోవ‌డం వల్ల ఎముక‌లు ధృడంగా త‌యార‌వుతాయి. ఎముక‌ల‌కు సంబంధిచిన సమస్యలు రాకుండా ఉంటాయి. ఎముక‌ల సాంద్ర‌త పెరుగుతుంది. అలాగే శ‌రీరానికి అవ‌స‌ర‌మ‌య్యే విట‌మిన్స్, మిన‌ర‌ల్స్, యాంటీ ఆక్సిడెంట్లు అందుతాయి. శ‌రీర ఆరోగ్యం మెరుగుప‌డుతుంది. అలాగే అంజీర్ ను పాల‌ను క‌లిపి తీసుకోవ‌డం వల్ల జీర్ణ‌శ‌క్తి మెరుగుప‌డుతుంది. మ‌ల‌బ‌ద్ద‌కం వంటి జీర్ణ సమస్యలు, క‌డుపులో అసౌక‌ర్యం వంటి సమస్యలు త‌గ్గుతాయి. ఇక గుండె ఆరోగ్యాన్ని మెరుగుప‌ర‌చ‌డంలో కూడా అంజీర్ మ‌న‌కు స‌హాయ‌పడుతుంది.
ఇందులో ఉండే ఫైబ‌ర్ కొలెస్ట్రాల్ ను తగ్గించడంలో, అలాగే పొటాషియం రక్త‌పోటును అదుపులో ఉంచ‌డంలో దోహ‌ద‌ప‌డుతుంది. అదే విధంగా అంజీర్ పాల‌ను క‌లిపి తీసుకోవ‌డం వల్ల ర‌క్తంలో చ‌క్కెర స్థాయిలు అదుపులో ఉంటాయి. అంజీర్ పాల‌ను స‌మ‌తుల్య ఆహారంలో భాగంగా తీసుకోవ‌డం వల్ల షుగ‌ర్ వ్యాధి గ్ర‌స్తుల‌కు ఎంతో మేలు క‌లుగుతుంది. అలాగే బ‌రువును తగ్గించడంలో కూడా అంజీర్ మ‌రియు పాలు మ‌న‌కు సహాయపడతాయి. వీటిని క‌లిపి తీసుకోవ‌డం వల్ల మ‌నం ఆరోగ్యంగా బ‌రువు త‌గ్గ‌వ‌చ్చు. అంతేకాకుండా ఈ రెండింటిని క‌లిపి తీసుకోవ‌డం వల్ల శ‌రీరంలో రోగ‌నిరోధ‌క శ‌క్తి పెరుగుతుంది.
వ్యాధులు, ఇన్పెక్ష‌న్ ల బారిన ప‌డ‌కుండా ఉంటాము. అలాగే వీటిలో ఉండే యాంటీ ఆక్సిడెంట్లు క‌ణాల ఆక్సీక‌ర‌ణ ఒత్తిడిని త‌గ్గించి దీర్ఘ‌కాలిక అనారోగ్య స‌మ‌స్య‌ల బారిన ప‌డ‌కుండా కాపాడ‌డంలో సహాయపడతాయి. శ‌రీర ఆరోగ్యంతో పాటు చ‌ర్మ కాంతిని మెరుగుప‌ర‌చ‌డంలో కూడా అంజీర్ మ‌రియు పాలు మ‌న‌కు సహాయపడతాయి. చ‌ర్మం ఛాయ‌ను పెంచి చ‌ర్మం కాంతివంతంగా క‌న‌బ‌డేలా చేయ‌డంలో అంజీర్ మ‌రియు పాలు మ‌న‌కు సహాయపడతాయి. ఈ విధంగా అంజీర్ మ‌రియు పాల‌ను క‌లిపి తీసుకోవ‌డం వల్ల మ‌న ఆరోగ్యానికి ఎంతో మేలు క‌లుగుతుంద‌ని క‌నుక త‌ప్ప‌కుండా అంద‌రూ వీటిని ఆహారంలో భాగంగా తీసుకోవాలని నిపుణులు చెబుతున్నారు.
