ఉదయం టిఫిన్, రెండు పూటల భోజనం ఇది మన సాధారణ దినచర్యలో భాగం. పప్పు, ఆవకాయో, బెండకాయ ప్రైతోనో, లేకపోతే చికెన్, మటన్ లతోనో పుష్టుగా భోజనం చేసేస్తాం.. తిండి వరకు ఓకే కానీ తిన్న తర్వాత వెంటనే కొన్ని చేయకూడనివి ఉంటాయని మనకు అంతగా తెలియదు.. వాటిని ఓ సారి గుర్తుచేసుకుందాం. ఆరోగ్యంపై కాస్త అవేర్ నెస్ ను పెంచుకుందాం. తినగానే సిగరేట్ తాగితే సాధారణ సమయంలో తాగే 10 సిగరెట్స్ కు సమానమట. కాన్సర్ కు కూడా స్కోప్ ఎక్కువట. క‌నుక భోజనం చేసిన వెంటనే స్మోకింగ్ చేయకండి.
భోజనం చేసిన వెంటనే ఫ్రూట్స్‌ తింటే కడుపు మొత్తం గాలితో నిండి పోతుంద‌ట. తినడానికి ముందు తిన్న తర్వాత 2 గంటల గ్యాప్ మెయింటెయిన్ చేస్తూ ఫ్రూట్స్‌ తినొచ్చట. భోజనం చేసిన వెంటనే టీ లేదా కాఫీ తాగకూడదు. దీని వలన యాసిడ్ రిలీజ్ అవ్వడం ఎక్కువై ఆహారం జీర్ణం అవ్వడం కష్టం అవుతుంది. తినగానే స్నానం చేయడం వల్ల జీర్ణక్రియ వ్యవస్థ నెమ్మదిస్తుందంట. అలాగే కంటిన్యూ చేస్తే జీర్ణవ్యవస్థ సామర్థ్యమే తగ్గిపోతుందట.
భోజనం చేసిన వెంటనే పడుకుంటే ఆహరం సరిగ్గా జీర్ణం అవ్వక గ్యాస్ట్రిక్ ఇన్ ఫెక్షన్స్ వచ్చే అవకాశాలు ఎక్కువగా ఉంటాయట. మరీ నిద్ర తప్పదు అనుకుంటే కనీసం 60 నిమిషాల గ్యాప్ అయినా అవ‌స‌రం. ఇక భోజనం చేసిన వెంటనే కొంద‌రు స్నానం చేస్తారు. ఇలా చేయడం వల్ల జీర్ణ‌వ్య‌వ‌స్థ‌కు ర‌క్త స‌ర‌ఫ‌రా త‌గ్గిపోతుంది. దీంతో తిన్న ఆహారం సరిగ్గా జీర్ణం కాక అజీర్తి ఏర్ప‌డుతుంది. క‌నుక భోజనం చేసిన వెంటనే స్నానం కూడా చేయ‌రాదు. ఇలా కొన్ని టిప్స్ పాటిస్తే ఆరోగ్యంగా ఉండ‌వ‌చ్చు.
