How To Drink Cumin Water : మ‌న వంటింట్లో ఉండే దినుసుల్లో జీలకర్ర కూడా ఒక‌టి. జీల‌క‌ర్ర‌ను ఎంతో కాలంగా మ‌నం వంట‌ల్లో ఉప‌యోగిస్తూ ఉన్నాము. జీల‌క‌ర్ర‌ను వేయ‌డం వల్ల వంటల రుచి పెర‌గ‌డంతో పాటు మ‌న ఆరోగ్యానికి కూడా ఎంతో మేలు క‌లుగుతుంది. జీల‌క‌ర్ర‌లో ఎన్నో ఔష‌ధ గుణాలు, ఆరోగ్య ప్ర‌యోజ‌నాలు దాగి ఉన్నాయి. జీల‌క‌ర్ర‌ను తీసుకోవ‌డం వల్ల మ‌నం ఎన్నో అనారోగ్య స‌మ‌స్య‌ల‌ను దూరం చేసుకోవ‌చ్చు. వంట‌ల్లో వాడ‌డంతో పాటుగా జీల‌క‌ర్ర‌తో జీలకర్ర నీటిని త‌యారు చేసి తీసుకోవ‌డం వల్ల మ‌రిన్ని ఫ‌లితాల‌ను సొంతం చేసుకోవ‌చ్చు. రోజూ ఒక గ్లాస్ జీలకర్ర నీటిని ప‌ర‌గ‌డుపున తాగ‌డం వల్ల చ‌క్క‌టి ఆరోగ్యాన్ని సొంతం చేసుకోవ‌చ్చు. జీలకర్ర నీటిని తాగ‌డం వల్ల మ‌న‌కు క‌లిగేప్ర‌యోజ‌నాలు ఏమిటో ఇప్పుడు తెలుసుకుందాం.
జీలకర్ర నీటిని తాగ‌డం వల్ల జీర్ణ‌శ‌క్తి మెరుగుప‌డుతుంది. అజీర్తి, గ్యాస్, క‌డుపు ఉబ్బ‌రం వంటి స‌మ‌స్య‌లు త‌గ్గుతాయి. తిన్న ఆహారం సుల‌భంగా జీర్ణ‌మవుతుంది. రోజూ జీలకర్ర నీటిని తాగ‌డం వల్ల శ‌రీరంలో జీవ‌క్రియ‌ల రేటు పెరుగుతుంది. దీంతో మ‌నం సుల‌భంగా బ‌రువు త‌గ్గ‌వ‌చ్చు. అలాగే జీలకర్ర నీటిని తాగ‌డం వల్ల రక్తంలో చ‌క్కెర స్థాయిలు అదుపులో ఉంటాయి. షుగ‌ర్ వ్యాధి గ్ర‌స్తులు జీలకర్ర నీటిని తాగ‌డం వల్ల మంచి ఫ‌లితం ఉంటుంది. అలాగే జీలకర్ర నీటిని తాగ‌డం వల్ల శ‌రీరంలో రోగ‌నిరోధ‌క శ‌క్తి పెరుగుతుంది. త‌రుచూ ఇన్పెక్ష‌న్ ల బారిన ప‌డ‌కుండా ఉంటాము. శ‌రీరంలో మ‌లినాలు, విష ప‌దార్థాల‌ను బయ‌ట‌కు పంపించి శ‌రీరాన్ని ఆరోగ్యంగా ఉంచ‌డంలో జీలకర్ర నీరు ఎంత‌గానో స‌హాయ‌ప‌డ‌తాయి. అలాగే జీలకర్ర నీటిని తాగ‌డం వల్ల చ‌ర్మ ఆరోగ్యం మెరుగుప‌డుతుంది.
గొంతు నొప్పి, గొంతులో ఇన్పెక్ష‌న్ వంటి శ్వాస సంబంధిత స‌మ‌స్య‌లు మ‌న ద‌రి చేర‌కుండా ఉంటాయి. జీలకర్ర నీటిని తాగ‌డ వల్ల నాడీమండ‌ల వ్య‌వ‌స్థ చురుకుగా ప‌ని చేస్తుంది. స్త్రీలు జీలకర్ర నీటిని తాగ‌డం వల్ల నెల‌సరి స‌మ‌యంలో వ‌చ్చే ఇబ్బందులు త‌క్కువ‌గా ఉంటాయి. మ‌న ఆరోగ్యానికి ఎంతో మేలు చేసే ఈ జీలకర్ర నీటిని త‌యారు చేసుకోవ‌డం చాలా సుల‌భం. ఒక గ్లాస్ నీటిలో ఒక టీ స్పూన్ జీలకర్ర వేసి రాత్రంతా అలాగే ఉంచాలి. ఉద‌యాన్నే ఈ నీటిని వ‌డ‌క‌ట్టి తీసుకోవాలి. ఇలా జీలకర్ర నీటిని త‌యారు చేసి తీసుకోవ‌డం వల్ల మ‌నం చ‌క్క‌టి ఆరోగ్యాన్ని పొంద‌వ‌చ్చ‌ని నిపుణులు చెబుతున్నారు.
