Ragi Dosa : రాగులలో ఎన్నో పోషకాలు, ఎన్నో ఆరోగ్య ప్రయోజనాలు ఉన్నాయి. వారంలో మూడు సార్లు రాగులను ఆహారంలో బాగంగా చేసుకుంటే ఎన్నో ప్రయోజనాలు కలుగుతాయి. రాగి పిండితో దోశ వేసుకొని తినవచ్చు. రాగి దోశ ఎలా తయారుచేయాలో చూద్దాం. ఒక గిన్నెలో ఒక కప్పు రాగి పిండి, ఒక కప్పు బియ్యం పిండి, అరకప్పు బొంబాయి రవ్వ వేయాలి. ఆ తర్వాత చిన్న ఉల్లిపాయను ముక్కలుగా కట్ చేసి వేయాలి. ఆ తర్వాత రెండు పచ్చిమిర్చి, అంగుళం అల్లం ముక్కను ముక్కలుగా కట్ చేసి వేయాలి. ఆ తర్వాత ఒక స్పూన్ జీలకర్ర, సరిపడా ఉప్పు, కొత్తిమీర, అరకప్పు పెరుగు, సరిపడా నీటిని పోసి దోశల పిండి మాదిరిగా కలుపుకోవాలి.
దోశ పిండిలా క‌లిపిన త‌రువాత పిండిని అరగంట పాటు అలా వదిలేయాలి. త‌రువాత పెనంపై దోశలు వేసుకోవాలి. దీంతో ఎంతో రుచిక‌ర‌మైన రాగి దోశలు రెడీ అవుతాయి. వీటిని వారంలో రెండు మూడు సార్లు తినవచ్చు. ఓపిక ఉంది అనుకుంటే రోజూ వీటినే బ్రేక్ ఫాస్ట్ లా తినవచ్చు. దీంతో ఎన్నో ఆరోగ్య సమస్యల నుంచి బయటపడవచ్చు. ముఖ్యంగా రక్తహీనత ఉన్నవారికి రక్తంలో హిమోగ్లోబిన్ శాతాన్ని పెంచి రక్తహీనత సమస్య నుండి బయట పడేస్తాయి. అలాగే కీళ్లనొప్పులు, మోకాళ్ళ నొప్పులు ఉన్నవారికి కూడా చాలా మేలు చేస్తాయి.
ఈ దోశ‌ల‌ను తినడం వ‌ల్ల డయాబెటిస్ అదుపులోకి వ‌స్తుంది. అధిక బరువు త‌గ్గుతారు. కొలెస్ట్రాల్ ఉండదు. దీంతో గుండె ఆరోగ్యంగా ఉంటుంది. హార్ట్ ఎటాక్‌లు రావు. ఇలా రాగి పిండితో దోశ‌ల‌ను వేసుకుని తినడం వ‌ల్ల ఎన్నో ప్రయోజనాలు కలుగుతాయి. అలాగే పోషకాలు కూడా ల‌భిస్తాయి. ఇక మ‌న‌కు మార్కెట్‌లో రాగి పిండి ల‌భిస్తుంది. లేదా రాగులను కొని శుభ్రం చేసి మ‌న‌మైనా వాటిని పిండిలా ప‌ట్టించుకోవ‌చ్చు. ఇలా రాగి దోశలు మాత్ర‌మే కాకుండా రాగి జావ, రాగి రొట్టె వంటివి కూడా చేసుకుని తినవచ్చు. దీంతో అన్ని విధాలుగా ఆరోగ్యంగా ఉంటారు.
