Cumin Water : మ‌నం ప్ర‌తిరోజూ వంట‌ల్లో వాడే పదార్థాల్లో జీలకర్ర ఒక‌టి. ఇది ప్ర‌తి ఒక్క‌రి వంట‌గ‌దిలో ఉంటుంది. జీల‌క‌ర్ర‌ను వాడ‌డం వల్ల వంటల రుచి పెరుగుతుంద‌ని చెప్ప‌డంలో ఎటువంటి సందేహం లేదు. కేవ‌లం వంటల రుచిని పెంచ‌డ‌మే కాకుండా మ‌న ఆరోగ్యాన్ని కాపాడ‌డంలో కూడా జీలకర్ర ఎంత‌గానో ఉప‌యోగ‌ప‌డుతుంది. దీనిలో ఎన్నో ఔష‌ధ గుణాలు ఉన్నాయి. రోజూ ఉద‌యాన్నే జీలకర్ర నీటిని తాగ‌డం వల్ల ఎన్నో వ్యాధుల‌ను నివారించుకోవ‌చ్చు. మ‌న ఆరోగ్యానికి మేలు చేసే ఈ జీలకర్ర నీటిని ఎలా త‌యారు చేసుకోవాలి.. ఈ నీటిని ఎలా ఉప‌యోగించాలి… ఈ జీలకర్ర నీటిని తాగ‌డం వల్ల క‌లిగే ప్ర‌యోజ‌నాలు ఏమిటి.. అన్న వివ‌రాల‌ను ఇప్పుడు తెలుసుకుందాం. మ‌న ఆరోగ్యానికి ఎంతో మేలు చేసేచ ఈ జీలకర్ర నీటిని త‌యారు చేసుకోవ‌డం చాలా సుల‌భం.
దీని కోసం ముందుగా ఒక గిన్నెలో ఒక గ్లాస్ నీటిని తీసుకుని వేడి చేయాలి. నీళ్లు వేడాయ్య‌క 2 టీ స్పూన్ల జీల‌క‌ర్ర‌ను వేసి మ‌రిగించాలి. త‌రువాత ఈ నీటిని వ‌డ‌క‌ట్టి ఒక గ్లాస్ లోకి తీసుకోవాలి. ఇలా త‌యారు చేసిన జీలకర్ర నీటిని రోజూ ఉద‌యం ప‌ర‌గ‌డుపున తాగాలి. ఈ జీలకర్ర నీటిని తాగ‌డం వల్ల జీర్ణాశ‌యం శుభ్ర‌ప‌డుతుంది. మ‌ల‌బ‌ద్ద‌కం స‌మ‌స్య త‌గ్గుతుంది. ఆక‌లి శ‌క్తి పెరుగుతుంది. ఈ నీటిని తాగ‌డం వల్ల గ్యాస్, అసిడిటీ వంటి స‌మ‌స్య‌లు తొల‌గిపోతాయి. కడుపులో ఉండే నులిపురుగులు న‌శిస్తాయి. గ‌ర్భిణీ స్త్రీల‌కు, పాలిచ్చే త‌ల్లుల‌కు జీలకర్ర నీళ్లు ఎంత‌గానో ఉప‌యోగ‌ప‌డుతుంది. ఈ నీటిని తాగ‌డం వల్ల పాలిచ్చే తల్లులల్లో పాలు బాగా ఉత్ప‌త్తి అవుతాయి.
జీల‌క‌ర్ర‌లో ఉండే పోష‌కాలు క్షీర గ్రంథుల‌ను ఉత్తేజ‌ప‌రుస్తాయి. ఈ జీలకర్ర నీటిని తాగుతూనే రోజూ వాకింగ్, ధ్యానం చేయ‌డం, పండ్లు మ‌రియు కూర‌గాయ‌ల‌ను తీసుకోవ‌డం, వీలైనంత ఎక్కువ‌గా నీటిని తాగ‌డం వంటివి రోజూ దిన‌చ‌ర్య‌లో భాగం చేసుకుంటే వ‌య‌సు త‌క్కువ‌గా క‌న‌బ‌డ‌తారు. మూత్రాశ‌య స‌మ‌స్య‌లను త‌గ్గించే శ‌క్తి కూడా ఈ జీలకర్ర నీటికి ఉంది. ఈ నీటిని తాగ‌డం వల్ల మూత్ర‌పిండాల్లో ఉండే వ్య‌ర్థ ప‌దార్థాలు తొల‌గిపోతాయి. అలాగే మూత్ర‌పిండాల్లో రాళ్లు కూడా తొల‌గిపోతాయి. మూత్రం సాఫీగా వ‌స్తుంది. రోజూ జీలకర్ర నీటిని తీసుకోవ‌డం వల్ల కడుపులో పుండ్లు, అల్స‌ర్లు త‌గ్గిపోతాయి. ఈ నీరు షుగ‌ర్ వ్యాధి గ్ర‌స్తుల‌కు ఎంతో మేలు చేస్తుంది. జీలకర్ర నీటిని షుగ‌ర్ వ్యాధి గ్ర‌స్తులు రోజూ తీసుకోవ‌డం వల్ల ర‌క్తంలో చ‌క్కెర స్థాయిలు నియంత్ర‌ణ‌లో ఉంటాయి.
దీంతో మ‌ధుమేహం అదుపులో ఉంటుంది. జీలకర్ర నీటిలో యాంటీ బ్యాక్టీరియ‌ల్, యాంటీ ఫంగ‌ల్, యాంటీ వైర‌ల్ గుణాలు ఉంటాయి. ఇవి రోగ నిరోధ‌క శ‌క్తిని పెంచుతాయి. ప‌లు వ్యాధుల బారిన ప‌డ‌కుండా కాపాడుతాయి. ఫ‌లితంగా ద‌గ్గు, జ‌లుబు, జ్వరం వంటివి త్వ‌ర‌గా న‌యం అవుతాయి. ఈ నీటిని రోజూ తీసుకోవ‌డం వల్ల ర‌క్త‌ప్ర‌స‌ర‌ణ మెరుగుప‌డుతుంది. ర‌క్త‌నాళాల్లో ఉండే అడ్డంకులు తొల‌గిపోతాయి. దీంతో మ‌నం గుండె సంబంధిత వ్యాధుల బారిన ప‌డ‌కుండా ఉంటాం. బీపీ కూడా నియంత్ర‌ణ‌లో ఉంటుంది. ఈ నీటిని రోజూ తీసుకోవ‌డం వల్ల వాంతులు, వికారం వంటివి త‌గ్గుతాయి. అంతేకాకుండా ఈ నీటిని తాగ‌డం వల్ల నిద్ర‌లేమి స‌మ‌స్య త‌గ్గుతుంది. రోజూ జీలకర్ర నీటిని తీసుకోవ‌డం వల్ల పొట్ట ద‌గ్గ‌ర పేరుకుపోయిన కొవ్వు క‌రిగిపోతుంది. జీల‌క‌ర్ర‌కు శ‌రీరంలో జీవ‌క్రియల రేటును పెంచే శ‌క్తి ఉంది. ఒక గ్లాస్ నీటిలో జీల‌క‌ర్ర‌ను వేసి రాత్రంతా అలాగే ఉంచాలి.
మ‌రుస‌టి రోజు ఉద‌యం ఈ నీటిలో నిమ్మ‌ర‌సం వేసి కలిపి తాగాలి. ఇలా రెండు వారాల పాటు చేయ‌డం వల్ల పొట్ట ద‌గ్గ‌ర పేరుకుపోయిన కొవ్వు క‌రుగుతుంది. జీల‌క‌ర్ర‌లో ఉండే యాంటీ ఆక్సిడెంట్లు ఫ్రీ రాడిక‌ల్స్ ను నివారించి చ‌ర్మం ముడ‌తలు ప‌డ‌కుండా చేస్తుంది. జీలకర్ర నీటిని ఫేస్ టోన‌ర్ లా కూడా ఉప‌యోగించవ‌చ్చు. ఈ నీటిని ముఖానికి రాసుకోవ‌డం వల్ల మొటిమ‌లు త‌గ్గిపోతాయి. చ‌ర్మం మృదువుగా, కాంతివంతంగా అవుతుంది. ఈ నీటిని తాగ‌డం వల్ల శ‌రీరం శారీర‌కంగా, మాన‌సికంగా ధృడంగా ఉంటుంది. జీలకర్ర నీళ్లే కాకుండా మ‌నం తాగే టీ లో లేదా గ్రీన్ టీ లో కొద్దిగా జీలకర్ర పొడిని వేసుకుని కలిపి తాగిన కూడా చ‌క్క‌టి ఫ‌లితం ఉంటుంది. ఒక గ్లాస్ మ‌జ్జిగ‌లో జీలకర్ర పొడిని వేసి కలిపి తాగ‌డం వల్ల జీర్ణ‌శ‌క్తి పెరుగుతుంది. ఈ విధంగా జీలకర్ర నీరు మ‌న‌కు ఎంత‌గానో ఉప‌యోగ‌ప‌డ‌తాయ‌ని వీటిని తీసుకోవ‌డం వల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చ‌ని నిపుణులు చెబుతున్నారు.
