Healthy Juice : అధిక బరువు, కీళ్ల నొప్పులు, ఆందోళన, అధికంగా కంగారు పడడం, నిద్రలేమి.. వంటి సమస్యలతో బాధపడుతున్నారా ? అయితే వీటిన్నింటినీ కేవలం ఒకే ఒక్క జ్యూస్‌తో తగ్గించుకోవచ్చు. అవును.. మీకు సహజసిద్ధంగా లభించే పదార్థాలతోనే జ్యూస్‌ను తయారు చేసుకుని రోజూ తాగవచ్చు. దీంతో పైన తెలిపిన అన్ని సమస్యలకు ఒకేసారి చెక్‌ పెట్టవచ్చు. మరి ఆ జ్యూస్‌ను ఎలా తయారు చేసుకోవాలంటే..
ఒక క్యారెట్‌, కొద్దిగా కొత్తిమీర, కీరదోస సగం, ఒక బీట్‌రూట్‌, చిన్న అల్లం ముక్కలను తీసుకోవాలి. అన్నింటినీ శుభ్రంగా కడిగి చిన్న చిన్న ముక్కలుగా కట్‌ చేయాలి. అనంతరం వాటిని మిక్సీలో వేసి జ్యూస్ తీయాలి. జ్యూస్‌లో సగం నిమ్మకాయను పూర్తిగా రసం పిండాలి. దీన్ని రోజూ ఉదయాన్నే పరగడుపునే ఒక గ్లాస్‌ మోతాదులో తాగాలి. ఇలా ఈ జ్యూస్‌ను 40 రోజుల పాటు తాగితే మీ శరీరంలో వచ్చే మార్పులను మీరే గమనిస్తారు.
ఈ విధంగా జ్యూస్ తాగడం వల్ల ఆందోళన, కంగారు, ఒత్తిడి, డిప్రెషన్‌ తగ్గుతాయి. ఈ జ్యూస్‌లో ఉండే బీట్‌రూట్‌లో అధిక మొత్తంలో పోషకాలు ఉంటాయి. ఇవి ఆందోళన, ఒత్తిడిలను తగ్గించి మనస్సును ప్రశాంతంగా ఉంచుతాయి. హైబీపీని తగ్గిస్తాయి. దీంతోపాటు నిద్రలేమి సమస్య నుంచి కూడా బయట పడవచ్చు.
ఇక ఈ జ్యూస్‌లోని క్యారెట్‌, కీరదోస అధిక బరువును తగ్గించడంలో సహాయ పడతాయి. కొత్తిమీర వల్ల శరీరానికి కాల్షియం, ఇతర మినరల్స్‌ బాగా లభిస్తాయి. దీంతో ఎముకలు దృఢంగా ఉంటాయి. అల్లం యాంటీ ఇన్ ఫ్లామేటరీ ఏజెంట్‌గా పనిచేస్తుంది. దీంతో కీళ్ల నొప్పులను తగ్గించుకోవచ్చు. ఇక నిమ్మరసం వల్ల రోగ నిరోధక శక్తి పెరుగుతుంది. చర్మ సమస్యలు తగ్గుతాయి. ఈ విధంగా ఈ జ్యూస్‌తో అనేక సమస్యలను ఒకేసారి తగ్గించుకోవచ్చు.
